Daxili İşlər Nazirliyi Axalkalakidə “Güc Birlikdədir”-in üzvlərinə
hücum olunması faktı ilə bağlı istintaqa başlayıb.
Bu barədə “İnterpresnyus”a DİN-dən bildiriblər.
Nazirlikdən verilən məlumata görə, hadisə ilə bağlı istintaq
Cinayət Məcəlləsinin 239-cu maddəsinin ikinci və üçüncü hissələri
ilə aparılır. Həmin maddə əvvəlcədən planlaşdırılaraq qrup
tərəfindən odlu silah və ya soyuq silahdan istifadə olunaraq
dələduzluq törətməni nəzərdə tutur.
Bununla bərabər nazirlik bəyana yayıb.
“Daxili İşlər Nazirliyinin Samsxe-Cavaxetiya Polis
Departamenti bu gün Axalkalakidə baş vermiş fiziki qarşıdurma faktı
ilə bağlı istintaqa başlayıb. İstintaq nəticəsində müəyyən olmuşdur
ki, 30 oktyabr tarixində “Milli Hərəkat” siyasi partiyasının
Axalkalaki şəhərində Çar Tamara küçəsində yerləşən qərargahı
yaxınlığında bir neçə nəfər arasında fiziki qarşıdurma baş verib,
qarşıdurma zamanı “Milli Hərəkat”ın üzvləri fiziki xəsarət
alıblar.
Baş vermiş faktla bağlı hüquq mühafizə orqanları intensiv istintaq
tədbirləri həyata keçirirlər” – bəyanatda
deyilir.
Xatırladırıq ki, bu gün Axalkalaki şəhərində “Güc Birlikdədir”
hərəkatının üzvlərinə hücum olub.
“Birləşmiş Müxalifət “Güc Birlikdədir” hərəkatının
seçki qərargahının rəhbəri Qiorqi Vaşadzenin “İnterpresnyus”a
bildirdiyinə görə, onların dörd üzvü amansız şəkildə döyülüb.
“Bizim qərargahımıza Enzel Mkoyanın qardaşının başçılığı ilə bir
qrup hücum edib” – deyə Vaşadze bildirib.