“Bilirəm ki,
Bidzina İvanişvili ilə görüşüb, lakin nə üçün,
bilmirəm.” – Parlamentin Marneulili üzvü Ruslan
Hacıyev Temur Abazovun “Gürcü Arzusu”nun baş ofisinə nə üçün
getdiyi ilə bağlı sualımıza belə cavab verdi.
Temur Abazovun partiya liderləri ilə gizli görüşü onun fəal
siyasətə qayıtması ilə də əlaqədar ola bilər, bununla bağlı Ruslan
Hacıyev qeyd etdi ki, məhkəmə prosesi hələ tamamlanmayıb, buna görə
də Abazova qarşı ittihamlar barəsində bir şey deyə bilmir.
“Bu azad insanın fikri və azad arzusudur. Siyasətdə
olacaq, yoxsa başqa istiqamətdə – bu onun öz işidir”,
– Ruslan Hacıyev deyir.
Abazovun görüşü ilə bağlı Marneuli Bələdiyyə Məclisinin sədri
Amiran Qiorqadzenin də məlumatı yoxdur. O, bizimlə söhbəti zamanı
qeyd etdi ki, Temur Abazovun “Gürcü Arzusu”nun baş ofisində Bidzina
İvanişvili ilə görüşməsi barədə məlumatı mətbuat vasitələrindən
alıb.
Temur Abazov “Marneuli” radiosunun zənglərinə hələ ki cavab
vermir.
Xatırladırıq ki, girov qarşılığında həbsxanadan buraxılmış
Marneulinin sabiq meri Teymuraz Abazov ötən gün, 17 dekabr
tarixində “Gürcü Arzusu”nun ofisində qapalı görüşdə olub.
Abazov ləyaqətin alçaldılmasında vəalçaldıcı rəftarda ittiham
olunur.
“Marneuli” radiosu