İnzibati ərazi vahidliklərinin nümayəndələrinə kəndlərdə
sahibkarlıq proqramı ilə bağlı məlumatın yayılması həvalə
olundu.
Bu proqram çərçivəsində maraqlanan şəxslər öz biznes ideyaları
əsasında biznes plan hazırlamaq və 1500 avro dəyərində qrant əldə
etmək imkanı qazanacaqlar.
Sahibkarlıq proqramının mentoru Lela Nikoladzenin dediyinə görə,
layihə çərçivəsində başqa qrantların cəlb olunması imkanları da
olacaq.
"Bizim sahibkarlıq proqramı həssas qruplar üçündür. Həssa qruplar
dedikdə qaçqınlar, gənclər, aztəminatlılar, tənha yaşayanlar, bir
sözlə nisbətən sosial çətinliyi olanlar nəzərdə tutulur. Onları
sahibkarlıq proqramına qoşmaq istəyirik. ən azı 20-22 ərizə
seçəcəyik, bunlardan da bir neçə ən yaxşısını maliyyələşdirəcəyik.
Bundan başqa sahibkarları müxtəlif insanlarla - biznesmenlərlə,
donorlarla, təşkilatlarla görüşdürəcəyik ki, yalnız bizdən deyil
digər donorlardan da maliyyə ala bilsinlər" - dedi
Lela Nikoladze.
Sahibkarlıq proqramına 22-dək adam qoşula biləcək. Ərizələrin
qəbulu Marneuli Mülki Məşğulluq Mərkəzində 22 oktyabradək davam
edəcək. Seçilmiş şəxslərə 5 ay ərzində öz kiçik bisneslərini necə
inkişaf etdirmək öyrədiləcək.
Sahibkarlıq proqramı Almaniya Beynəlxalq Əməkdaşlıq Cəmiyyətinin
(GIZ) dəstəyi ilə EPIC layihəsi çərçivəsində “Atinati”
Assosiasiyasının tərəfdaşlığı ilə “Action Against Hunger”
tərəfindən həyata keçirilir.