Ayvaz Həsənov küçəsində qeyri-qanuni zibillik aşkar olundu
16:37 / 20.04.2018
Marneuli şəhərinin Ayvaz Həsənov küçəsi şəhərin gözəl və mənzərəli
küçələrindən biridir.
Bu küçə şəhərin mərkəzi hissəsində yerləşir. Ayvaz Həsənov
küçəsində təxminən 18-20 ailə yaşayır. Küçədə hərəkət edərkən
səliqə və səhmana, küçənin təmiz olduğuna rast gəlirsən.
Həmin küçənin ərazisindən keçən, hər kəsin "Qara arx" kimi tanıdığı
suvarma kanalı da bu küçənin ərazsisindən keçir.
Bu küçənin asfalt örtüklü yolu ilə hərəkət etdikcə havanın
dəyişdiyini, daha doğrusu havanı üfunətli qoxunun bürüdüyünü hiss
etmək olur. Küçənin sonuna doğru irəlilədikcə qoxu daha da
kəskinləşir.
Qoxunun haradan gəldiyi ilə maraqlanıb küçə ilə daha da irəli
getdik. Məlum oldu ki, bu qoxxunun yaranmasına səbəb kanalda
yığılıb qalmış məişət tullantılarıdır.
Küçənin sakinləri küçədə zibil qutuları qoyulmadığına görə, zibili
“Qara arx”-a, və ya küçənin sonundan keçən Algeti çayı sahilində
yaranmış zibilliyə atırlar.