11 yaşlı Elvira və 9 yaşlı Elvina – (adlar dəyişdirilib) artıq bir
neçə gündür məktəbə getmirlər.
Səbəb olaraq isə kiçik qardaşlarının xəstə olmasını, yuyulası
paltarları qeyd edirlər. Uşaqlar yad adam görməkdən çəkinmirlər və
öz gündəlik həyatlarından, ailə konfliktlərindən, maddi
çətinliklərdən narahat olmuş vəziyyətdə danışmırlar.
“Yaxşı oxuya bilmirik, dərslərimizi çalışa bilmirik
çünki hərdən işığları evdə söndürürlər. Neçə gündür artıq dərsədə
gedə bilmirik, qardaşım alergiya olmuşdu xəstəxanadaydıq və dərsə
gedə bilmirdik” – deyə uşaqlar bildirdi.
Ailədə kiçik, 7 yaşlı Kamran da yaşayır (onun adı da dəyişdirilib).
Anası yalnız bu il qərar verib ki, onu məktəbə qoysun. Uşağın nitq
problemi var. Ancaq deyir ki, məktəbə getməyinə çox sevinib. Söhbət
zamanı böyük bacıları da söhbətə qoşulur və sinif yoldaşları
tərəfindən baş verən bulinq hallarını xatırlayırlar.
“Məktəb ləvazimatlarımız var. İndi hal-hazırdı sentyabrda məktəbə
gedəcəm. Bizdə isdəyirik başqa uşaqlar kimi rahat evdə olaq, rahat
yataq. Sinif yoldaşlarımız bizə deyirlər siz evsizsiniz, sizin
eviniz yoxdur. Deyirəm neyniyək sizin kimi varlı deyilik ki,
qonşularımız hərdən bizə atasız deyirlər ələ salırlar bizi ,
butulkayla başımıza vurub döyürlər, bizdə ağlıya-ağlıya evə
gəlirik. Bu ona görə belə kəkələyir ki, evdə dava olanda qorxurdu
ona görədə indi kəkələyir” -deyə uşaqlar
bildirdi.
11 və 9 yaşlı Elvira və Elvina birgə üçüncü sinifdə oxuyurlar.
Məktəb direktoru Şorena Xuxuanın dediyinə görə, Elviranın dərslərin
çoxunda iştirak etmədiyinə görə şagird statusu dayandırılıbmış. Üç
il bundan əvvəl ikinci dəfə Elvinanın məktəbə qeydiyyat olunması
zaman hər ikisi eyni sinifdə oxumağa başlayıblar.
“Bir həftədir ki, qardaşı xəstədir və sinif rəhbəri
mənə dedi ki, anası zəng vurub deyib məktəbə gətirə bilmirəm, bir
həftəyə uşaq sağalacaq və gətirəcəm. Gəlirlər amma hərdən dərsləri
buraxırlar. Oxumağa belə orta səviyyədə çalışırlar. Qardaşının
xəstəliyi dərsə gəlməmək üçün səbəb olmamalıdır. Biz zəng edəndə
gəlir. Mən direktor təyin olunandan bu uşaqlar o qədər dərs
buraxmışdılar ki, şagird statusları dayandırılmışdı, mən bərpa
etdim. Ondan sonra kontrol altına almışıq. Nəyə ehtiyacı olsa desin
uşağın kitab dəftəri qələmi yoxdur. Məktəb çərçivəsində biz nə
bacarsaq edərik” – deyə bildirdi Şorena Xuxua.
Məktəb direktoru hesab edir ki, bu ailənin sosial vəziyyəti
haqqından bilirlər, uşaqların dərsə gəlməməsi məsələsinin həlli isə
məktəb səlahiyyətləri çərçivəsində mümkündür, sosial xidməti buna
görə narahat etməzdilər.
Üç uşaq anası olan Leyla sosial yardım alır. Ancaq qeyd edir ki,
həmin pulu anası və qardaşı əlindən alırlar. Leyla həyat
yoldaşından ayrılıb və bir otaqlı mənzildə anası, qardaşı və üç
övladı ilə birgə yaşayır. Deyir ki, anası və qardaşı psixoloji
olaraq ona zorakılıq göstərirlər və evdən getməyə məcbur
edirlər.
“Evdə qazdı, işığdı
sosial yardımın üstündə də dava düşür evdə. Anamı da, qardaşımında
adına sosial yardım yazdırmışam amma mənə heçbir köməkləri yoxdu,
özlərinə xərcləyirlər. İsdəsəm məndə özümə xərcliyərəm ancaq
xərcləmirəm, deyirəm uşaqlar yazıqdı” – deyə bildirdi
Leyla.
Doğrudur Leyla deyir ki, anası və qardaşı ona və uşaqlarına
psixoloji təzyiq edirlər. Uşaqlara təhsil almaqda mane olurlar və
daim onu evdən qovmaqla hədələyirlər. Leylanın dediyinə görə üçüncü
uşağa hamilə olan zaman ailə konflikti var imiş. Qaynanası üçüncü
uşağın qız olmasını istəmirmiş və onu ailədən qovub. Üçüncü uşaq
oğlan olub. Buna baxmayaraq qaynanasının ailəsinə qayıtmayıb.
Yalnız bir il ərzində həyat yoldaşı ilə kirayə evdə yaşayırmış.
Həyat yoldaşı da onu tərk edib və artıq 6 ildir ki, üç uşaqla bir
otaqlı mənzildə yaşayır.
“Qışqırır deyir çıx get, mən ailə qurmaq isdəyirəm.
Uşaqlar dərsdən gəlir, deyir işığları söndür bəs uşaqlar necə
yazılarını yazsınlar, bax elə burda yatırıq divanda”
– deyə bildirdi leyla.
Son bir il ərzində polisə müraciət etməyib. Leylanın sözlərinə
görə, polislər zorakılıq izi görməyiblər və yalnız fiziki zorakılıq
halında reaksiya göstərə biləcəklərini deyiblər. Etibarsızlığa görə
polisə bir daha müraciət etməyib.
Bulinq, təhsildə maneçilik, çətinlik, ailə konflikti. Bu vəziyyətdə
uşaqların dediyinə görə, onlar gündəlik həyat sürməli olurlar. Uşaq
mühafizəsinə dair müraciətin uşaqlara qarşı zorakılıqdan mühafizə
etmək məqsədilə Gürücstan Əmək, Sağlamlıq və Sosial Mühafizə,
Təhsil və Elm, Daxili İşlər Nazirliyinin koordinasiyalı çalışma
qaydasını müəyyən edir.
Uşağa zorakılıq olan halda effektli və sürətli reaksiya
mexanizmlərini, kompetentli orqanların səlahiyyətini, uşaq
mühafizəsinə bağlı olan əlaqələri də bu qayda müəyyən edir.
Demokrat Qadınlar Təşkilatının sədri Olqa Endeladze məsələ ilə
bağlı gender şurası və qadn bələdiyyə məclisi formatından mövzunu
aktuallaşdırmağa çalışır:
“Əgər məktəb qiymətləndirmə edir və qərar verirsə ki,
ailənin probleminin həlli məktəb səlahiyyətindən kənardır o, halda
mütləq Sosial Agentliyə müraciət göndərməlidir. Amma
qiymtələndirməni mütləq məktəb etməlidir” – deyə
bildirdi Olqa Endeladze.
Uşaqların üçü də çəkinədən hansı vəziyyətdə yaşadıqlarını
danışırlar. Sosial xidmət bu ailəni iqtisadi baxımdan
qiymətləndirib. Ancaq uşaqlarla söhbət ediblər ya yox. Şubitidze
Marneuli sosial xidmətin rəhbəri deyir ki, qeyd olunan ailə 2015-ci
ildən maddi yardım alır. Yoxlayışa isə Xalq Müdafiəçisi Aparatının
müraciətindən sonra başlayıblar.
“O, faktla bağlı xəbərdarlıq gəlmişdi. Sosial işçimiz
çalışdı. Zorakılıqla bağlı da mesaj daxil olmuşdu. Gedib
araşdırdılar. Nə Leyla Sarıyeva nə də ki, polis heç bir zorakılıq
faktını təsdiqləmədi” – deyə bildirdi Şubitidze.
Sosial xidmətin rəhbəri konkret olaraq demir ki, hansı növ
zorakılıqdan söhbət gedirmiş. Amma fiziki zorakılığı Leyla da
təsdiqləmir və ona və övladlarına qarşı psixoloji zorakılıqdan
danışır.