Ailə mehmanxnaları yaratmaq istəyən şəxslər üçün rəqəmsal
marketinqin əsasları mövzusunda təlim keçirildi.
Müxtəlif biznes operatorların iştirak etdiyi təlim bu gün, 15 iyun
tarixində Marneuli Mülki Məşğulluq Mərkəzində keçirildi.
USAID-in "Zrda" proqramının nümayəndəsi Tamar Kirianın dediyinə
görə, treninqin mövzusu yalnız ailə tipli mehmanxanaların sahibləri
deyil, eləcə də restoran və iaşə obyektlərinin sahibləri üçün də
maraqlı idi.
“Birinci modul rəqəmsal marketinqin ümumi əsaslarıdır,
sonrakı modul onlayn portallarda qeydiyyatdır. Bu təlim ailə
mehmanxanaları sahiblərindən əlavə restoran, iaşə obyekti kimi
fəaliyyətlə maraqlanan şəxslər üçün də maraqlıdır” -
deyə Tamar Kiriani bildirdi.
Tamar Kiria onu da qeyd etdi ki, digər bələdiyyələrdə də bu mövzuda
təlimlər keçiriblər.
Biznes operatorlarına rəqəmsal marketinq mövzusunda təlimi Yaradıcı
İnkişaf Mərkəzinin nümayəndələri keçirlər.
Yaradıcı İnkişaf Mərkəzinin proqram koordinatoru Teona Dalakişvili
deyir ki, rəqəmsal marketinq haqqında biliklər maraqlanan şəxslərin
öz bizneslərini inkişaf etdirmələrini əhəmiyyətli dərəcədə
sadələşdirəcək.
“Turizm sahəsində fəaliyyət göstərmək istəyən istənilən
şəxs üçün belə platformalarda qeydiyyatdan keçmək mühümdür.
Beynəlxalq platforma olduğu kimi, gürcü platforması da mövcuddur və
bu ilk növbədə onların məlumatını artırır və və birbaşa platforma
vasitəsilə onların gəlirlərini artırmaq imkanı olur”
– deyə Teona Dalakişvili bildirdi.
Teona Dalakişvili həmçinin qeyd edir ki, qeyd olunan platformada
qeydiyyat yüksək qiymətli deyil və sahibkarın biznesini idarə
etməsini mürəkkəbləşdirməyəcək.
Qeyd edək ki, təlimlər USAID-in "Zrda" proqramı çərçivəsində
Yaradıcı Gənclər Mərkəzinin dəstəyi ilə həyata keçirilir.
"Marneuli" Radiosu