სოფელი სეიდი გოჯალი მარნეულიდან 21 კილომეტრის  დაშორებით მდებარეობს სოფელში მისასვლელად 20 კმ მოასფალტებულ გზას გადიხართ, შემდეგ კი ამორტიზებული გზით გიწევს სიარული. თუ სად მდებარეობს სოფელი ,როგორ უნდა მიხვიდე - ამის შესახებ შესაბამისი აბრაც არ არსებობს. სეიდ გოჯალში 120-მდე ოჯახი ცხოვრობს. 43 წლის ზაბიტ მამედოვს ძირითადი შემოსავალი სოფლის მეურნეობიდან და მესაქონლეობიდან აქვს, სოფელში არსებული გზის პრობლემა აწუხებს და ამბობს, რომ მოყვანილი პროტუქტი ბაზარში ვერ მიაქვს, უჭირს. სოფელში კი მყიდველები არ მიდიან. თავადვე ამბობს, რომ სასწრაფო დახმარების გამოძახების შემთხვევაში საქმე რთულად აქვთ, სოფლამდე ასვლას სწრაფად ვერ ახერხებენ ან საერთოდ არ მიდიან.

"მოვიდნენ, რომ წყალი უნდა გავიყვანოთო თქვენს სოფელშიo. მე ვუთხარი, რომ არ გვინდა ჩვენი პრობლემა გზაა. სოფლის მეურნეობით ვართ დაკავებული და აქ მყიდველები არ მოდიან, ცუდი გზის გამო მანქანა უფუჭდებათ. წყლის ფული შჭამეს და იმიტომ უნდოდათ გაყვანა. ჩვენ სახელმწიფოსგან არანაირი დახმარება არ გვაქვს"

სოფლის სკოლა არ აქვს, მოსახლეობა ამბობს, რომ ამის გამო მეზობელ სოფელში, არაფლოს სკოლაში უწევთ სიარული, შესაბამისად არსებული გზის გავლაც. სიტუაცია კიდევ უფრო რთული ზამთარშია, როდესაც ყველაფერს ერთად ატალახებული გზის პრობლემაც ემატება.

„ჩვენს სოფელზე უარესი სოფელი არსადაა. გზა არ გვაქვს. მერმაც იცის , სოფლის რწმუნებულიც. რამდენჯერ მივმართეთ. სოფლეში ვაგროვებთ თანხას და წელიწადში ერთხელ მოვხრეშავთ გზას. არჩევნებზე ყევალზე აქტიური სოფელი ჩვენია“

სოფლის მოსახლეობა ამბობს, რომ მათი პრობლემებით არავინ ინტერესდება. დაპირებებს მხოლოდ არჩევნებზე იღებენ.
მარეულის მერიაში განმარტავენ, რომ ამ ეტაპზე სოფელ სეიდ გოჯალოში გზის რეალიტაცია არ იგეგმება