Seçki Məcəlləsinin 169-cu maddəsinə əsasən,
merin səlahiyyətlərinin rəsmi olaraq dayandırılması və bu
məlumatın
ictimailəşməsindən sonra mərkəzi Seçki Komissiyası növbədənkənar
seçkilər təyin edir. Növbədənkənar seçkilər təyin olunandan 50 gün
ərzində keçirilməlidir.
Qanunvericiliyə əsasən, növbədənkənar
seçkilər may və yaxud oktyabr aylarında keçirilir. Əgər merin
səlahiyyətləri 15 iyuldan 15 fevraladək dayandırılıbsa, bu halda
seçkilər may ayında keçirilir. Merin səlahiyyətləri 15 fevral dan
15 iyuladək dayandırıldığı halda isə seçkilər həmin ilin oktyabr
ayında keçirilir.
Marneuli meri Temur Abazovun səlahiyyətləri
hələ dayandırılmayıb, lakin əgər onun səlahiyyətləri 32 gün ərzində
dayandırılarsa, Marneulidə növbədənkənar mer seçkiləri oktyabr
ayında baş tutacaq. Növbədənkənar mer seçkilərinin keçirilməsinə
qədər isə Marneuli bələdiyyəsinin meri səlahiyyətlərini Zaur
Tabatadze yerinə yetirəcək.