Qardabani bələdiyyəsinin Krtsanisi kəndində yerli sakinlər qəribə
qaranquş balası aşkarlayıblar.
Tamamilə ağ rəngdə, güman ki, albinos olan qaranquş balasını
sakinlər yaşayış binalarından birinin girişində olan yuvada
aşkarlayıblar.
İki qaranquş balasından biri adi – qara rəngdə, digəri isə tamamilə
ağ rəngdədir.
Birds & Blooms jurnalının məlumatına görə, quşlarda albinizm çox
nadir haldır və onun inkişaf ehtimalı 18 000-də birə bərabərdir.
Həmin jurnalın məlumatına görə, Albinizm qaranquşlarda xüsusilə az
rast gəlinən haldır və bu günə qədər dünyada o qədər də çox qeydə
alınmayıb.
Quşun tüklərinin və bədənin digər hissələrinin tamamilə ağ rəngdə
olması melanin piqmentinin olmaması ilə bağlıdır.