Lentexi meşəsində meydana gələn yanğının söndürülməsi
əməliyyatına yenidən helikopter qoşulub. Zesxo kəndin yaxınlığında
baş vermiş yanğını hələ də tam nəzarət altına almaq mümkün
olmayıb.
Yanğnın söndürülməsinə bu gün yenidən helikopter qoşulub.
“İnterpresnyus”un Fövqəladə Halların İdarəolunması Xidmətindən
aldığı məlumata görə, hadisə yerində bir neçə yanğın ocağı hələ də
qalmaqdadır və tüstülər müşahidə olunur. Onların məlumatına görə,
150-ə qədər yanxınsöndürən-xilasedici yanğının söndürülməsi işini
səhər saatlarından davametdirirlər. Yanğının söndürülməsinə yerli
yanğınsöndürən-xilasedicilərdən başqa Tbilisi, Şida Kartli və
İmereti yanğınsöndürən-xilasediciləri də qoşulub.
Raça-Leçxumi və Kvemo Svaneti qubernatoru Arçil Caparidzenin
“İnterpresnyus”a bildirdiyinə görə, yanğının baş verməsinə ildırım
düşməsi səbəb olduğu güman edilir.
“Relyef çox mürəkkəb olduğuna görə yanğını tam
söndürmək mümkün olmayıb. Meşənin aşağı hissəsi, torf, qurumuş
yarpaqlar yanır və yanğını söndürmək çox çətindir. Sahəsi
çoxalmayıb, kiçik yanğın ocaqları və əsasən tüstülənmələr var.
Yanğına güman ki, ildırım düşməsi səbəb olub. Ora elə yerdir nə
turist nə də başqa şəxs gedə bilməzdi”, - deyə Arçil
Caparidze bildirib.
Lentexidə, Zesxo kəndi yaxınlığında yanğın iki gün əvvəl meydana
gəlib.