Smitlərin qətlində ittiham olunan
Malxaz Kobaurinin vəkili David Qirqvliani işdən uzaqlaşıb. Bu haqda
vəkil bəyənat yayımlayıb.
“İctimaiyyətin qarşısında özümü məcbur hesab edirəm ki, bu bəyənatı
verim! Xada dərəsində baş vermiş faciə işində mən ittiham olunan
Malxaz Kobaurini müdafiə edirdim
.
Bu işə ona görə qoşuldum ki, ədaləti müəyyən edim, çünki sistemə
qarşı mübarizə aparmaqdan heç vaxt çəkinməmişəm. Daim mübarizə
aparırdım və yenə də ədalət üçün mübarizəyə davam edəcəm.
Xada dərəsində baş vermiş faciə işinə gəldikdə isə mən azad ixtisas
nümayəndəsi kimi vəkil olaraq hesab edirəm ki, qeyd olunan iş mənim
iştirakım olmadan davam etsin.
Onun müdafiəsini davam etdirəcək həmkarıma və ya həmkarlarıma
uğurlar arzulayıram. İttiham olunduğu cinayətin ağırlığına
baxmayaraq hamının müdafiə hüququ var.
Ancaq mən hesab edirəm ki, qeyd olunan proses mənsiz davam
etməlidir! Xoş sözlər və eləcə də tənqidlər üçün hamıya təşəkkür
edirəm. Qeyd olunan işi mən davam etdirmirəm, ancaq öz ixtisasıma
və ədalətə sadiq qalıram!Qeyd olunan işlə bağlı başqa şərh
verməyəcəm”, - deyilir vəkilin bəyənatında.
Vəkilin bu bəyənatından əvvəl Rustavi 2 və İmedi televiziyaları
tərəfindən məlumat yayımlanmışdı və həmin məlumata əsasən
televiziyalar Samxarauli ekspertizasının milli bürosunun nəticəsini
əldə ediblər.
Onların məlumatına görə, bu sənədə əsasən Xada dərəsində öldürülən
Lora Smitin bədənindən ittiham olunan Malxaz Kobaurinin genetik
profili aşkar olunub və güman ki, bu seksual xarakterli hərəkəti
göstərir. Məlum olduğuna görə, istintaq Lora Smitin zorlanması
versiyası üzərində çalışır.
Malxaz Kobauri ittihamı etiraf etmir.
David Qirqvlianiyə qədər Kobaurinin maraqlarını dövlət xəzinəsinin
vəkilləri müdafiə edirmiş.