DİN-in sağlamlığa qəsdən ağır xəsarət yetirmək və odlu silahın
qeyri-qanuni şəkildə alınması-saxlanılması-gəzdirilməsi ittihamı
ilə bir nəfəri saxlayıb.
Daxili İşlər Nazirliyindən “İnterpresnyus”a verilən məlumata görə,
Acarıstan Polis Departamentinin əməkdaşları hakimin qərarı əsasında
sağlamlığa qəsdən ağır xəsarət yetirmək və odlu silahın
qeyri-qanuni şəkildə alınması-saxlanılması-gəzdirilməsi ittihamı
ilə 1991-ci ildə anadan olmuş, keçmişdə də məhkum olmuş V.M.-ni
saxlayıb. Onu törətdiyi cinayətə görə 4 ildən 7 ilədək həbs cəzası
gözləyir.
İstintaq müəyyən etmişdir ki, saxlanılan şəxs bu ilin sentyabr
ayının 15-də Batumidə, Luka Asatiani küçəsində qarşılıqlı mübahisə
zəminində odlu silahdan atəş açaraq 1971-ci ildə anadan olmuş
A.T.-ni bir neçə yerindən yaralamış və hadisə yerindən qaçıb
gizlənmişdir. Yaralanmış şəxs xəstəxanaya aparılıb. Onun həyatı
üçün təhlükə yoxdur. Cinayətdə istifadə olunmuş “Makarov” tipli
tapança maddi dəlil kimi müsadirə olunub.
Gürcüstan Cinayət Məcəlləsinin sağlamlığa qəsdən ağır xəsarət
yetirilməsi və odlu silahın qeyri-qanuni şəkildə
alınması-saxlanılması-gəzdirilməsini nəzərdə tutan 117-ci
maddəsinin birinci hissəsi, 236-cı maddəsinin 3-cü və 4-cü hissəsi
ilə istintaq davam edir.