“Hakimiyyətin - bədənin bir əlinin digər əl tərəfindən törədilmiş
cinayətin araşdırılacağını düşünmürəm.
” Bu barədə “Palitranyus” kanalına Aleko Elisaşvili bildirib.
Elisaşvili vurğulayıb ki, Salome Zurabişvilinin xeyrinə saxta
şəxsiyyət vəsiqələrinin hazırlanması ehtimalı barədə məlumatı
etibarlı və hörməti olan qeyri-hökumət təşkilatları yayıblar.
“Hakimiyyətin belə bir məsələdə iştirakı ehtimalı çox narahatedici
və iyrənc xəbərdir. Ümid edirəm ki, prokurorluq etməsə belə
qeyri-hökumət təşkilatları və mətbuat məsələyə aydınlıq gətirə
biləcək”, - Aleko Elisaşvili qeyd edib.
Xatırladırıq ki, qeyri-hökumət təşkilatları hüquq mühafizə
orqanlarına müraciət edib və seçkilərin saxtalaşdırılması ehtimalı
ilə maraqlanmağa çağırıb.
Qeyri-hökumət təşkilatları "Gürcüstan Gənc Hüquqşünaslar
Assosiasiyası", “Beynəlxalq Şəffaflıq - Gürcüstan” və “Ədalətli
Seçkilər” mətbuat konfransı keçiriblər və seçkilərin
saxtalaşdırılması ehtimalı və qeyri-qanuni yolla saxta sənəd
hazırlanması barədə danışıblar. Məsələ ilə bağlı prokurorluq
istintaqa başlayıb.