Parlament “Dini hisslərin təhqir olunması”nın qarşısını almaq üçün
işçi qrup yaradır.
Parlamentin İnsan Hüquqlarının Qorunması Komitəsi Emzar Kvitsiani
tərəfindən irəli sürülmüş “Dini Hisslərin Təhqir Olunması Haqqında”
qanun layihəsinin daha da təkmilləşdirilməsi üçün işçi qrup
yaradacaq. Bu haqda komitənin həmin təşəbbüsü müzakirə etdiyi bu
günkü iclasında məlum olmuşdur.
Qanun layihəsinə görə, “Dini Hisslərin Təhqir Olunması”
cəzalandırılacaq və qanunu pozan üçün cərimə və ya həbs cəzası
nəzərdə tutulub. İnsan Hüquqlarının Qorunması Komitəsinin iclasda
iştirak edən üzvləri ideya səviyyəsində təşəbbüsü
dəstəkləyiblər.
Parlamentin İnsan Hüquqlarının Müdafiəsi və Mülki İnteqrasiya
Komitəsinin sədri Sofo Kiladze hesab edir ki, dini baxımdan insanın
təhqir olunmasına hüquqi cəhətdən nəzarət olunmalıdır:
“Din və daxili inam adlandırdığımız məsələlərlə bağlı bir-birini
təhqir etmək yolverilməzdir. Buna görə də insanların bir-birini
təhqir etməmələri və bunun qanunla nəzərdə tutulmasının
tərəfdarıyam”, - deyə Kiladze komitənin iclasında bildirib.
Qedevan Popxadze də təşəbbüsü ideya səviyyəsində dəstəkləyib.
Bununla belə deputatların qanun layihəsinin müəllifləri Zviad
Tomaradze və Emzar Kvitsianiyə gözləntiləri barədə sualları da var
idi. Dini hisslərin və onun təhqir olunmasının nə demək olması və
bütün bunların dəyərləndirilməsi üçün test, yəni obyektiv meyarlar
necə müəyyənləşdiriləcək.
Zviad Tomaradze komitənin iclasında təsdiq etdi ki, bütün bunların
müəyyənləşdirilməsi çətindir və müəyyən risklər mövcuddur. Lakin
onun dediyinə görə, eyni şeylər Mülki Məcəllədə mövcud olan şərəf
və ləyaqətin təhqir olunması maddəsi ilə bağlı da demək olar. Bu
maddə təcrübədə də işləyir. Sofo Kiladze onunla razılaşmadı və dedi
ki, Mülki Məcəllənin standartları başqadır və həbsi nəzərdə tutan
cinayət hüüququ və normalarinın standartları başqa.
“Məhkəmə təhqir edici sölərin [nə olduğunu] bilmir? Əgər lazım
gəlsə belə sözləri yazarıq”, - deyə Emzar Kvitsiani deyib.
“Niyə elə düşünürsünüz ki, mənim, sizin əziz Patriarxın təhqir
olunmasını sona qədər izləməyə və dinləməyə səbrimiz çatmalıdır,
ayıb deyil? Qanun qəbul etməliyik”, - deyə Emzar Kvitsiani
bildirib. Buna qədə o, “Dini hisslərin təhqir olunması” üzündən
dünyada baş verən terror hadisələri barədə söhbət açdı və dedi ki,
bu baxımdan qanun-qaydanın yaradılması təhlükəsizliyə də kömək
edəcək.
Kvitsianinin məlumatına görə, Sxaltinin baş yepiskopu Spiridon
qanunda xüsusi istisnaların olmasını tələb edir.
“Möhtərəm Spiridon mənə zəng etdi. Uzun söhbət etdik. Mütləq nəzərə
alınacaq qeydləri oldu. Bu xütbələr zamanın müqəddəs atanın və ya
digər dinlərin nümayəndələrinin nə dediyinə aid olmamalıdır.
Xütbələr zamanı müəlman və xristian arasında, katolik və pravoslav
arasında müxaliflik olur, bu təhqir sayılmamalıdır. Bu adi
haldır... Müqəddəs ata xütbə oxuyursa, bu təhqir deyil, təhqir
bizim müqəddəslərimizin, çarlarımızın təhqir olunmasıdır. Burada
başa düşülməyəcək nə var?”, - Kvitsiani deyib.
Sofo Kiladze qanun layihəsini səsvrməyə qoymayıb və deyib ki, işçi
qrup yaradılmalıdır və bu qrupa müxtəlif dinlərə mənsub insanlar
daxil olmalıdır. Onun dediyinə görə, Pparlament elə qanun qəbul
etməlidir ki, Konstitusiya Məhkəməsi sonradan ləğv etməsin. Kiladze
şübhə etmir ki, bu qanun qəbul ediləndən dərhal sonra Kontitusiya
Məhkəməsinə müraciət olunacaq.
Bu dini hisslərin təhqir olunmasının qadağan olunması qanun
layihəsinin qəbul edilməsinə 2013-cü ildən bəri artıq üçüncü
cəhddir. Əvvəlki iki cəhd uğursuz olmuşdu. Bu ilin mart ayının
20-də yayılmış bəyənatda dini hisslərin qorunmasının təmin
olunmasını Patriarxlıq da tələb etmişdi.