"Biz bu ölkədə milli ayrı seçkilik istəmirik, hüquqlarmızın bərabər olmasını istəyirik" - Avaqyanın büstünün qoyulmasına etiraz edən gənc (VİDEO)
Bu
gün, 8 fevral tarixində Tbilisidə Parlament binasının qarşısında
Mixeil Avaqyanın Axalkalakidə ucaldılmış abidəsi ilə bağlı
azərbaycanlı gənclər tərəfindən aksiya keçirildi.
Aksiyada tələbələr, fəal gənclər, QHT sektorunun nümayəndələri, bir
sıra siyasətçilər və gürcü ictimaiyyət nümayəndələri iştirak
edirdilər. Aksiyada çıxış edənlər Axalkalakidəkidə tez bir zamanda
büstün götürülməsini tələb edirdilər. Aksiyada Gürcüstan
parlamentinin deputatı Azər Süleymanov, Malxaz Maçalikaşvili, Əli
Babayev, Əhməd İmamquliyev, Əlibala Əsgərov, Benyamin Qasımov,
Simon Kopadze, Quram Marxuliya, Tengiz Txelava və digərləri çıxış
etdilər. Onlar çıxışlarında qeyd etdilər ki, Gürcüstanda
separatçının büstü tez bir zamanda götürülməlidir.
Saqareco rayonundan olan gənc Taleh Aslonaov çıxış etmək üçün
tirbunaya çıxdı və çıxış etməyini bildirdi. Ona mane olmaq
istədilər. Amma o çıxış edərək bildird ki, Gürcüstan bizim
evimizdir və bir evdə qardaş və bacı arasında söz-söhbət varsa o
ailə, ailə deyil.
"Biz gəlib burda şablonlanmış sözləri deyib gedirik,
belə olmaz. Biz demokratik dövlətdə yaşayırıqsa sözümüzü demək üçün
kimdənsə icazə almalı deyilik. Azad şəkildə sözümüzü deməyə
haqqımız var, hüququmuz var. Mən istəyirəm ki, hər bir gənc öz
haqqını, öz hüququnu qorusun. Burada dursun sadəcə görünüş üçün
yox, gəldik burada olduq göründük deyə yox, haqqınızı axıra qədər
istəyin. Yoxsa burada boş-boşuna duraq çıxıb gedək Bu heç nə demək
deyil. O heykəl sökülənə qədər hər kəs burada olmalıdır. Gürcüstan
bizim evimizdir, bir evdə qardaş, bacı bunların arasında bir
söz-söhbət varsa o ailə, ailə deyil. Sadəcə burada hansısa hökumət
nəyə qullu edir bilmirəm. Gürcü, erməni, azərbaycanlı bunların
arasında nəisə bir problem yaradırsa burada heç bir Gürcüstan
vətəndaşının gələcəyindən söz gedə bilməz erməni, gürcü,
azərbaycanlıya millət yox vətəndaş olaraq maneədir, minusdur bunu
bilin. Bizim istədiyimiz bu gün nədir, odur ki, dövlətə qarşı
çıxmırıq millətlər arasında sadəcə ixtişaş yaratmayın, pis
münasibət yaratmayın qoyun hamı sakit şəkildə yaşasın. Hər kəs yenə
öz milli maraqlarını qorusun. Amma ölkəmizdə yenə müharibə hər
hamsı bi şey olsa biz yenə canımızdan da qanımızdan da keçərik.
Bura gələn ağsaqqallar iki kəlmə danışıb getdilər belə olmaz, bizim
bura gəlmək məqsədimiz heykəlin sökülməsidir. Milli ayrı seçkilik
etmirəm. Milli ayrı seçkiliyi dövlətimiz yaradır bizə. Hər bir
vətəndaş kimi biz də istəyirik ki, hüquqmuz bərabər olsun. Niyə?
Hansı günü gətirib hansı heykəli hara qoyurlar? Yayda qoysunlar də
bunu. 20 yanvar günü bunu etməklə azərbaycanlıları təhqir edib,
sındırmalıdırlar. Azərbaycanlılar bunu heç vaxt özlərinə
sığışdırmazlar. Özünü azərbaycanlı, türk bilən hər kəs burdadır,
ayağa qalxdı ya bu sökülməlidir ya da dövlətin fikrinə hörmət
etməliyik. Bu gün dövlət bir heykəl qoyubsa sabah yenə nəsə edəcək
belə-belə burda azərbaycanlıları sıxışdıracaqlar. Ancaq onu da
bilsinlər ki, bu dövlətdə azərbaycanlılar heç vaxt sınmayacaq, nədə
alçalmayacaq. İstəyimizə nail olaq, sonacan duraq" -
Taleh Aslanov dedi.
Xatırladaq ki, 20 yanvar tarixində Axalkalaki bələdiyyəsinin
Buğaşen kəndində Qarabağ müharibəsində iştirak etmiş Mixeil
Avaqyanın büstünün açılışı olmuşdu. Abidənin qoyulması etirazlara
səbəb olub.