Madridin “Real” klubunun hücumçusu Kriştianu Ronaldu yeni hind
cizgi filminin baş qəhrəmanına çevrilib.
Oxu.Az xəbər verir ki, Ronaldu müxtəlif animasiya məhsulları o
cümlədən komikslər, oyunlar və rəqəmsal kontentin hazırlanması ilə
bağlı layihələrdə iştirak edəcək.
“Kriştianu Ronaldu öz səyləri, zəhmətkeşliyi və
möhtəşəm oyunu ilə dünyada milyonlarla insanı ilhamlandırır. O
indiki nəslin real superqəhrəmanıdır”, - deyə
şirkətin rəhbəri Şarad Cevarajan bildirib.
Futbolçu özü də layihədə iştirakını şərh edib.
“Mən həmişə superqəhrəmanların fanatı olmuşam və böyük
məmnuniyyətlə yeni animasiya serialının istehsalında iştirak
edəcəyəm.
Mənə elə gəlir ki, futbol dünyanın müxtəlif mədəniyyətləri və
insanlarını birləşdirdiyi kimi, animasiya personajları və
qəhrəmanları da buna nail olur.”, - deyə portuqal
forvard bildirib.
Mənbə: oxu.az