Biz yavaş-yavaş NATO-ya yaxınlaşırıq – bu bizim gündəlik həyatımızı
təşkil edən hissədir
və bunda Gürcüstan parlamenti fəal iştirak edir, - bu haqda
Gürcüstan Parlamentinin sədri İrakli Kobaxidze “NATO günləri”nin
başlamasına həsr olunmuş rəsmi tədbirdə bildirib.
İrakli Kobaxidzenin dediyinə görə, “NATO günlərinin” təntənəli
açılışı bir daha göstərir ki, Gürcüstanın Şimali Atlantika Alyansı
üzvü olmağa dair istəyi necə güclüdür. Onun dediyinə görə, dəqiq 10
il bundan əvvəl Buxarest sammitində qəbul edilmiş qərardan sonra,
bizim ölkə bütün şərtləri yerinə yetirir ki, Şimali Atlantika
Alyansına daha da yaxınlaşsın.
“Tam 10 il bundan əvvəl Buxarest sammitində qərar qəbul
olundu ki, Gürcüstan mütləq NATO-nun üzvü olacaq. Ondan sonra
Gürcüstan inkişaf edir, hər bir şərti yerinə yetirir ki, Şimali
Atlantika Alyansına daha da yaxınlaşsın. Bir daha qeyd etmək
istəyirəm ki, NATO-nun üzvü olmaq istəyimiz həm əhalinin istəyinə
həm də hakimiyyətin istəyinə bağlıdır. Əhali son seçkilərdə bir
daha öz qərbi inteqrasiyayay yanaşmasını qeyd etdi. Hər iki
seçkilərdə əhalinin 90% məhz Gürcüstanın Avro inteqrasiyasına
dəstək olan partiyanı dəstəklədi”, - bildirib İrakli
Kobaxidze.