Ekspert Qia Xuxaşvili hesab edir ki, Bidzina İvanişvili siyasətə
qayıtmalıdır.
Xuxişvilinin “Palitranews” telekompaniyasının “360 dərəcə”
verlişində bildirdiyinə görə Bidzina İvanişvili Prezidentliyə
namizəd olaraq seçkilərdə iştirak etməlidir.
“Bidzina İvanişvili Prezident olaraq seçkilərə iştirak
etməlidir. Onun Prezidentliyi ölkədə instutisional qaydanı bərpa
edəcək. Yeniyetmələr məcbur olacaqlar ki, özlərini qaydaya
salsınlar. Ondan sonra onun zəmanəti ilə rəqabətli seçkilər
keçirilməlidir. Multipartiya Parlamenti qəbul etdikdən sonra
siyasətdən getməlidir”, - bildirib Xuxişvili.
Onun sözlərinə görə, Parlament çoxluğunda gedən proseslər dərsin
ortasında sinifdən müəllimin çıxmasından sonra olan vəziyyətə
bənzəyir.
“Təxminən belə bir şey baş verir: təsəvvür edin
məktəbdə müəllim dərsin ortasında bayıra çıxır. Sinifdə bu zaman
səs-küy olur, bir-birinə təyyarələr atırlar və.s. Təxminən indi də
belədir. Müəllim sinifi tərk edib və sinifdə xaos başlayıb. Yekunda
elə çıxır ki, şagirdlər heç məktəbi də bitirmirlər. Bunlar siyasi
baxımdan yetişməmiş adamlardır. Nə danışdıqlarını özləri də bilmir.
Müəllim məsuliyyət hiss etməlidir ki, dərsin ortasında uşaqları tək
qoymaq olmaz. Obyektiv vacibatdır ki, o, bu qərarı versin və
siyasətə qayıtsın. Heç kim cavabdehlik götürməməlidir, sistem
pozulub və qərar qəbul etmək prosesində xaosdur”, -
bildirib Xuxuişvili.