Marneuli ictimai məktəblərindən birində uşağın döyülməsi faktı aşkarlanıb.
Məktəb direktorunun bizimlə söhbəti zamanı
verdiyi məlumata görə, məktəbin gürcü dili və ədəbiyyatı müəllimi
səkkizinci sinifdə oxuyan qızı əvvəlcə təhqir edib, sonra isə
vurub
.
Hadisə 6 fevral tarixində baş verib. Həmin şagird bu gün, 7 fevral
tarixində dərslərdə iştirak etməyib. Direktor isə baş vermiş hadisə
ilə bağlı onun valideyninə məlumat verib.
Məktəb direktorunun dediyinə görə, uşağı vuran müəllim 40 illik
təcrübəyə malikdir. Direktorun və müəllimin 6 illik birgə
fəaliyyəti dövründə bu ilk zorakılıq halıdır.
Məktəbin müdiriyyəti uşağın döyülməsi məsələsini nizam-intizam
komitəsinə verib.
“Marneuli” radiosu hadisələrin inkişafını izləyir.