Təhsil Nazirliyi: etnik azlıqların təhsil aldığı məktəblərdə paralel reallıq var
Təhsil nazirinin müavini İrina Abuladze etnik
azlıqların məskunlaşdığı regionların məktəblərində olan problemləri
diqqətə yetirib.
Abuladzenin sözlərinə görə belə məktəblərdə
“paralel reallıq var”. Bu haqda o, təhsil üzrə ekspert və
beynəlxalq təşkilatların nümayəndələri ilə imtahanların yeni modeli
ilə bağlı baş tutan görüşdə deyib. Onun şərhini İnterpressnews
agenliyi yayır.
İrina Abuladzenin sözlərinə görə, CAT-ın nəticələrini
qiymətləndirsək kəsilənlərin 20-25%-lik göstəricisindən 20% milli
azlıqların məktəblərinin şagirdlərinə düşür.
“Milli azlıqlar bölgəsində ayrı araşdırma aparmaq
lazımdır. Çünki orada başqa, paralel reallıq var, başqa milli
tədris planı təsis olunur, dərslikləri ümumiyyətlə yoxdur. CAT-ın
nəticələrinə baxsanız görərsiniz ki, Tbilisidə kəsilənlər nədir ki,
20-25% ümumi kəsilənlərin 20%-ni milli azlıqların məktəbləri təşkil
edir. 2011-ci ildən sonra nə etmişik? – 40 min tələbəmiz var ancaq
heç yerdə yoxdular” - Abuladze deyib.
Abuladzenin izahatına görə, USAİD təhsilin qiymətləndirmə
sisteminin dəyərləndirilməsini həyata keçirir və nəticələr 1 aya
məlum olacaq.
Bu gün Qiymətləndirmə və Milli İmtahanlar Mərkəzinin rəhbəri Sopio
Qorqadze təhsil üzrə ekspertlər və beynəlxalq təşkilat
nümayəndələri ilə yeni imtahanlar modeli ilə bağlı görüş
keçirib.
Mənbə:
imedinews.ge