2018-ci il yanvar-may aylarında Marneuli rayon məhkəməsi
tərəfindən 17 nəfər zorakılıq törədən şəxsə qarşı məhdudlaşdırma
orderi yazılıb.
DİN-dən tələb olunmuş məlumata görə, 2018-ci ilin ilk 5 ayı ərzində
“112” xidmətinə ailə zorakılığı/münaqişəsi barədə 147 məlumat daxil
olub.
2018-ci ilin eyni zaman kəsiyində Kvemo Kartli miqyasında 396 ailə
zorakılığı halı qeydə alınıb. Kvemo Kartli bu göstəriciyə görə
Tbilisidən sonra ikinci yerdə durur.
Bütün Gürcüstan miqyasında 3 292 məhdudlaşdırma orderi yazılıb. Bu
orderlərin tələblərinin pozulması isə 7% təşkil edir ki, bu da
DİN-nin məlumatına görə, əsasən “yaxınlaşma qadağası”nın
pozulmasında özünü göstərir.
Daxili İşlər Nazirliyi yüksək riskli zorakılıq hərəkətlərinə
elektron biləkliklərlə nəzarət edəcək. Bu haqda nazirlik 10 iyul
tarixində bəyanat verib. Elektron monitorinq sistemi bu ilin
sonundan qüvvəyə minəcək.
Elektron monitorinq biləkliklərinin tətbiq olunmasının təbliğatı
ilə Gürcüstan Gənc Hüquqşünaslar Assosiasiyası məşğul olur.
GGHA-nın vəkili Qvantsa Sakanelaşvilinin “Marneuli” radiosuna
bildirdiyinə görə, elektron monitorinq biləkliklərinin tətbiq
olunması mühümdür, belə ki, bu gün qüvvədə olan qanunvericilik və
təcrübədən irəli gələrək zorakılıq qurbanları məhdudlaşdırıcı
orderin yazılmasından sonra belə özlərini müdafiə olunmuş hiss
etmirlər. Zorakılıq törədən şəxs ola bilər zorakılığa məruz qalana
və onun evinə elə yaxınlaşsın ki, bundan hüquq mühafizə
orqanlarının xəbəri olmasın.