Qiorqi Qaxaria vəzifəsinə layiq deyil və o, mütləq evinə
getməlidir. Bu haqda Xorava
küçəsində qətlə yetirilmiş yeniyetmələrdən birinin atası Zaza
Saralidze jurnalistlərə Rustaveli prospektində bildirib.
“Tələblərim tamamilə dəyişilməz qalır. Qatillər, onları gizləyənlər
cəzalandırılmalıdırlar. Qaxaria mütləq evinə getməlidir və yerinə
bu işləri sona çatdıra biləcək nazir gəlməlidir”, -
deyə Zaza Saralidze bildirib.
Saralidzenin dedyiniə görə, Qaxaria istintaq işi başlatmayıb.
“Qaxaria heç bir şeyə başlamayıb, bu axmaqlıqdır.
Hansısa Morçadzeni saxlayıblar və bununla Mixeil Kalandianın
ifadəsini doğrulamağa çalışırlar, guya Mixeil Kalandia məhkəmədə
yalan ifadəni təzyiq altında verib. Belə edirlər ki, Kalandianı
həbs etmək üçün əsas olmasın.
Həmçinin, Şotadzeni zurna-balabanla, əl çalaraq, az qala
qəhrəmanlaşdıraraq göndərdiyinə görə, Tea Tsulukianinin istefasını
da tələb edirəm. Dünən şərh də oxudum, istefa etmək fikrində deyil.
Şotadzenin hadisələri bilməməsi və işlərin gedişindən xəbəri
olmamasına kimsə inanır?”, deyə Saralidze
bildirib.