Parlament çoxluğu Baş-Nazir vəzifəsinə Mamuka Baxtadzenin
namizədliyini təqdim edib.
Bu haqda bu gün, 14 iyun tarixində “Gürcü Arzusu”nun siyasi
şurasının iclası başa çatdıqdan sonra məlum olub. Baxtadze indiyə
kimi maliyyə naziri vəzifəsini tuturdu.
Baş-Nazir vəzifəsi dünən, 13 iyun tarixində Giorgi Kvirikaşvilinin
istefasından sonra boş qalmışdı. Müvafiq olaraq, hökumətin tam
tərkibi istefa vermiş hesab olunur. Giorgi Kvirikaşvili bildirib
ki, “Gürcü Arzusu” partiyasının sədri və keçmiş baş-nazir Bidzina
İvanişvili ilə aralarında tez-tez fikir müxtəlifliyi olub və o,
hesab edir ki, indi onun istədiyi kimi hökumət tərkibini toplamaq
imkanı olmalıdır.
Gürcüstan Konstitusiyasına əsasən Gürcüstan Baş-Nazirinin
səlahiyyəti başa çatır, onun öhdəliyini müavini yerinə yetirəcək
(indiki halda Dimitri Kumsişvili).
Parlament çoxluğu olan siyasi qüvvə isə (indiki halda “Gürcü
arzusu”) yeddi gün ərzində Baş-Nazirliyə yeni namizəd təqdim
etməlidir. Baş nazir vəzifəsinə yeni namizəd özlüyündə hökumətin
yeni tərkibini və yeni proqramı əks etdirir.
Bundan sonra Gürcüstan Prezidenti Baş Nazir postuna yeni namizədi
təqdim edəcək, Prezident isə 7 gün ərzində parlamentə namizədləri
təqdim edir, nəticədə isə parlament yeni hökumətə etimad
göstərməlidir.