Rusiyanın məqsədi Gürcüstan dövlətinin uğurlarını məhv etmək idi və
İvanişvili və indi hakimiyyətdə olan qrup ilə buna qismən nail
olublar.
Bizim islahatlar Ukrayna, Mərkəzi Asiya, Qafqaz xalqları, o
cümlədən Rusiyadakı bir çox xalqları həyəcanlandırırdı və bu Putin
üçün problem idi. Bu barədə Gürcüstanın keçmiş prezidenti Mixeil
Saakaşvili avqust müharibəsinin 10-cu ildönümü ilə bağlı Facebook
səhifəsində yayımladığı video mesajında deyib.
Onun dediyinə görə, avqust müharibəsi zamanı da, indi də Rusiyanın
əsas məqsədi Gürcüstanın dövlətinin uğurlarını məhv etmək olub və
İvanişvili və “indi hakimiyyətdə olan qrup ilə birlikdə” buna
qismən nail olublar.
"Rusiya hökuməti üçün əsas hakimiyyəti devirmək və ya
bizim xarici siyasət kursunu dəyişməyimiz barədə bəyanat deyildi,
bunun hər ikisi Gürcüstan dövlətçiliyinə və uğurlu islahatlarımıza
hücum idi. Rusiya üçün Gürcüstan dövlətinin mövcudluğu özü bir
problemdir. Bizim islahatlar Ukrayna, Mərkəzi Asiya, Qafqaz
xalqları, o cümlədən Rusiyadakı bir çox xalqları həyəcanlandırırdı
və bu Putin üçün problem idi. O zaman da, indi də Rusiyanın əsas
məqsədi Gürcüstanın dövlətinin bu islahatlarını dayandırmaq,
uğurlarını məhv etmək olub və İvanişvili və “indi hakimiyyətdə olan
qrup ilə birlikdə” buna qismən nail olublar və praktiki olaraq
bizim yaratdığımız uğurlu dövlət institutlarını məhv edirlər.
Bu onların məqsədi idi və səbəb onların Saakaşvilidən və ya
hakimiyyətin hər hansı digər üzvündən xoşları gəlməməsi və ya bizim
ictimai şəkildə NATO üzvlüyündən imtina etməmiz deyildi. Onlar çox
daha fərqli şey – Gürcüstan dövlətinin ideyalarını məhv etmək
istəyirdilər, onların fikrincə bu bölgədə dövlətçiliyin yaranması
Rusiya üçün təhlükədir və biz bizim uğurlarımızla məhz bunu
yaratmışdıq”, - Saakaşvili bəyan edib.