“Gürcü Arzusu”nun prezidentliyə namizədi olmayacaq. Bu barədə
Parlamentin sədri İrakli Kobaxidze bildirib.
Onun dediyinə görə, iqtidar komandası bu qərarı yekdilliklə qəbul
edib.
Kobaxidzenin bildirdiyinə görə, bütün namizədlər özlərini təqdim
etdikdən sonra müstəqil namizədi dəstəkləyəcəklər:
“Biz hər hansı partiyasız və müstəqil namizədi
dəstəkləyəcəyik. Bizim bununla bağlı mövqeyimiz isə bütün
namizədləri gördükdən sonra formalaşacaq”.
Ötən gün, 6 avqust tarixində Salome Zurabaşvili prezidentliyə
namizədliyini irəli sürdü. Zurabaşvili 2018-ci il prezident
seçkilərində “Gürcü Arzusu”nun onu dəstəkləyib dəstəkləməyəcəyi ilə
bağlı suala cavab olaraq deyib ki, o, partiyanın əvəzinə cavab verə
bilməz. Bununla belə 28 iyul tarixində Parlament sədrinin müavini
Qia Volski bildirmişdi ki, partiyada Salome Zurabişvilini
dəstəkləmək və ya ümumiyyətlə prosesə qarışmamaq barədə müzakirələr
gedir.