“Maçaxela” restoranı avqust müharibəsi ilə bağlı insidentə görə
üzr istəyir və
bu insidentdə iştirak edən əməkdaşları ilə müqaviləni pozur:
“İlk növbədə dünən bizim filiallarımızdan birində
əməkdaşlarımızın qonaqlar tərəfindən işğalçı ölkəni əks etdirən
posterin nümayiş olunmasının qarşısının alınmasına cəhd etmələri
ilə bağlı insidentə görə ictimaiyyətdən üzr istəyirik. Təəssüf ki
bizim restoranlar şəbəkəsində çalışan minlərlə əməkdaşın siyasi
baxışı və düşüncəsi haqda məlumat almaq çox çətindir. Bundan əlavə
onların hər birinin qeyri-düzgün hərəkət və qərarı üçün məsuliyyət
daşımaq da çox çətindir”, - deyə müdiriyyətin
bəyanatında qeyd edilib.
Ötən gün, 7 avqust tarixində “Facebook” vasitəsilə “Maçaxela”
restoranında qonaqlardan Putinin əks olunduğu banneri masadan
qaldırmalarının tələb edildiyi barədə məlumat yayıldı. Bu
tələblərini isə – “Maçaxela” etiraz aksiyasının keçiriləcəyi yer
deyil – deyə əsaslandırıblar.
“Maçaxela” bu halda üzərlərinə düşən məsuliyyəti dərk etdikləri və
həmin insidentdə iştirak edən bütün şəxslərlə əməkdaşlığa xitam
verilməsi barədə bəyanat verib. Restoran həmçinin yayılmış
məlumatdan sonra “Maçaxela”nın “Facebook” səhifəsində bəyanat
yayımlayaraq etirazçıları yalançı vətənpərvərlər adlandıran səhifə
inzibatçısı ilə də əməkdaşlığa son verdiklərini açıqlayıb. Həmin
bəyanat isə səhifədən qaldırılıb.
“O, bizim mövqeyimizi tamamilə səhv və qeyri-düzgün
formada ifadə edib. Ümid edirik ki, bu belə halların bir daha baş
verməməsi üçün bir işarə olacaq. Həmçinin qeyd etmək istəyirik ki,
bizim şirkət ictimaiyyətin ölkəmizin Rusiya tərəfindən işğal
olunmasından irəli gələn kədər və narahatçılığını bölüşür. Bir daha
baş vermiş insidentə görə üzr istəyirik”, - deyə
bəyanatda deyilir.