Varketilidə atəş açılması nəticəsində 45 yaşlarında bir kişi
ölüb, biri isə yaralanıb. Yaralanan şəxs təxminən 40 yaşlarındadır
və xəstəxanaya çatdırılıb.
Hadisə çoxmərtəbəli yaşayış binalarından birinin girişi
yaxınlığında baş verib.
Hadisə yerinə ekspert-cinayət polisi səfərbər olunub. Polislər
sakinləri dindirib və insidentdə iştirak edən şəxslərin
müəyyənləşdirilməsi üçün lazımi tədbirlər görüb.
Əldə olunan məlumata görə, baş vermiş hadisə sevgi tarixçəsi ilə
bağlıdır. Bu haqda hadisənin baş verdiyi ərazidə yaşayan sakinlər
məlumat verib.
Bundan başqa yayılmış məlumata görə, odlu silahdan atəş açaraq bir
nəfəri qətlə yetirməkdə, bir nəfəri isə yaralamaqda ittiham olunan
şəxsin kimliyi müəyyənləşib və axtarış tədbirləri davam edir.
Daxili İşlər Nazirliyindən “İnterpresnyus”a verilən məlumata görə,
insidentlə bağlı Gürcüstan Cinayət Məcəlləsinin amansızlıqla qəsdən
iki və daha artıq adamı öldürmək və qəsdən öldürməyə cəhdi nəzərdə
tutan 108-ci və 19/109-cu maddəsinin 3 hissəsi ilə istintaq
aparılır. Həmin cinayət üçün 12 ildən 20 ilədək və ya ömürlük həbs
cəzası nəzərdə tutulur.