Bu mərhələdə Salome Zurabişvilinin namizədliyini dəstəkləmək
barədə yekun qərar qəbul etməmişik – bu sözləri Gürcüstan baş
naziri Mamuka Baxtadze hökumətin iclası başlamadan əvvəl keçirdiyi
brifinqdə deyib.
Jurnalist baş nazirə Salome Zurabişvilinin 2008-ci il avqust ayında
Rusiya ilə müharibəyə Gürcüstanın başlaması ilə bağlı səsləndirdiyi
fikirlə razılaşıb razılaşmadığı barədə sual ünvanlayıb.
“Qeyd etdiyimiz kimi, bu mərhələdə Salome
Zurabişvilinin namizədliyini dəstəkləmək barədə yekun qərar qəbul
etməmişik, buna görə də onun siyasi bəyanatını dəyərləndirə
bilmərəm. Məsələ ilə bağlı mənim şəxsi düşüncəm Rusiyanın
təcavüzkar olduğu, ərazilərimizi işğal etdiyidir və bu
birmənalıdır”, - deyə Mamuka Baxtadze bildirib.
Xatırladırıq ki, prezidentliyə müstəqil namizəd 2008-ci ildə
müharibəyə məhz Gürcüstanın başladığını bəyan edib.