Daxili İşlər Nazirliyinin məlumatına görə, Varketilidəki qətl və
öldürməyə cəhd faktı isti izlərlə açılıb. Nazirliyin bəyanatında
qeyd olunub ki, qətl ötən gün axşam saatlarında qısqanclıq
zəminində baş verib.
Məlumata görə, 1989-cu ildə anadan olmuş Ts.Q.-nin saxlanılması
istiqamətində əməliyyat-axtarış tədbirləri davam edir.
“8 avqust 2018-ci il tarixində Varketili 3, 1-ci
mikrorayonun 25-ci korpusunun girişində baş vermiş qətl faktı isti
izlərlə açılıb. 1989-cu ildə anadan olmuş Ts.Q.-nin saxlanılması
istiqamətində intensiv əməliyyat-axtarış tədbirləri davam edir.
İlkin məlumata görə, hadisə dünən axşam saatlarında qısqanclıq
zəminində baş verib.
Odlu silahdan açılan atəş nəticəsində 41 yaşlı kişi qətlə
yetirilib. 48 yaşlı bir kişi isə yaralanıb, hal-hazırda tibbi
müəssisədə müalicə olunur.
Gürcüstan Cinayət Məcəlləsinin 108-ci maddəsi (qəsdən adam öldürmə)
və 19/109-cu maddəsinin 3-cü hissəsi (iki və daha çox adamı qəsdən
amansızlıqla öldürməyə cəhd) ilə istintaq davam edir. Törədilmiş
cinayət üçün 16 ildən 20 ilədək və ya ömürlük azadlıqdan məhrumetmə
cəzası nəzərdə tutulur”, - DİN-in məlumatında
deyilir.