Gürcüstan Regional İnkişaf və İnfrastruktur Nazirliyi Avtomobil
Yolları Departamentinin məlumatına görə,
aparılan intensiv təmizləmə işləri nəticəsində ölkədaxili
əhəmiyyətli Pşaveli-Abano-Omalo avtomobil yolunun 12-72-ci
kilometrliklərində avtomobillərin hərəkəti bərpa olunub.
Departamentin bildirdiyinə görə, həmin yolda yalnız hündür
nəqliyyat vasitələrinin hərəkətinə icazə verilir, digər növ
nəqliyyat vasitələrinin hərəkəti isə qadağandır. Həmin yolun
1-11-ci kilometrliklərində isə hərəkət sərbəstdir.
Xatırladırıq ki, ölkədaxili əhəmiyyətli Pşaveli-Abano-Omalo
avtomobil yolunun 28-64-cü kilometrliklərindəə torpaq-qaya
kütləsinin yola tökülmüş və yolun həmin hissəsində ötən gün axşam
saatlarından bütün növ nəqliyyatın hərəkəti dayandırılmışdı.
Avtomobil Yolları Departamentinin məlumatına görə, hadisə yerinə
müvafiq texnika cəmləşmiş və Avtomobil Yolları Departamentinin
nümayəndələri fasiləsiz olaraq təmizləmə işləri aparırdı.