Qardabanidə istilik elektrik stansiyasının tikintisində çalışan fəhlələr etiraz aksiyası keçirirlər. Aksiya iştirakçıları rəsmi olaraq əmək müqaviləsi bağlanılmasını və iş şəraitinin yaxşılaşdırılmasını tələb edirlər. Hal-hazırda etiraz aksiyasına görə, obyektdə işlər qismən dayanıb və istilik elektrik stansiyasında yalnız Çin vətəndaşı olan işçilər işləyir.

Aksiya iştirakçıları bildirirlər ki, onların müqavilələri yoxdur, sığortadan yararlana bilmirlər, obyektdə içməli su, yeməkxana, tikinti sahəsinə getmək üçün nəqliyyat yoxdur. İnfrastruktur yaradılmayıb və hətta iş paltarlarını dəyişmək üçün yer belə yoxdur.

Fəhlələrin dediyinə görə, tikinti obyektində təhlükəsizlik qaydaları qorunmur. İşə götürən Çin şirkəti ilə dil bilmədiklərinə görə ünsiyyət qura bilmirlər. Aksiya iştirakçılarının bildirdiyinə görə, onların tələbləri yerinə yetirilənədək tətilə davam edəcəklər.

Tətil edən fəhlələrin nümayəndələri rəhbərliklə danışıqlar aparır.