Bütün müxalif partiyalar üç tələbi – növbədənkənar Parlament
seçkiləri, seçki komissiyasının təşkil olunması qaydalarında
dəyişiklik və proporsional seçki sisteminə keçməyi dəstəkləyir.
Bu barədə jurnalistlərə müxalifət partiyalarının görüşü başa
çatdıqdan sonra birləşmiş müxalifətin prezidentliyə keçmiş namizədi
və “Milli Hərəkat”ın nümayəndəsi Qriqol Vaşadze bildirib.
“Bugünkü hakimiyyət şərtlərində bütün sonrakı seçkilər ikinci turda
baş verən hadisələr kimi olacaq”, - Vaşadze deyib.
Onun dediyinə görə, müxalifət hazırlaşır ki, hakimiyyət onların
tələbləri ilə bağlı daim təzyiq altında olsun.
“Bu yalnız siyasi təşkilatların tələbi deyil. Bu vətəndaşların
tələbidir. Vətəndaşlar ehtiyac içində yaşamaqdan boğaza yığılıb,
insanlar belə yaşamaq istəmirlər,” – deyə Vaşadze bildirib.
Bu gün müxalifət partiyalarının nümayəndələri məsələ ilə bağlı
görüş keçiriblər. Görüşdə “Güc Birlikdədir”, “Yeni Sağçılar”,
“Demokratik Hərəkat”, “Avropalı Gürcüstan” və başqa partiyaların
nümayəndələri iştirak edirdilər. “Azad Demokratlar” və “Quruculuq
Hərəkatı”nın nümayəndələri görüşdə iştirak etməyiblər.