Gürcüstanın sabiq prezidenti Mixeil Saakaşvili Ukrayna
telekanalı ZİK-də “Cokerlər.
Prezidentliyə gedən yol” (“Джокери. Шлях у президенти”) adlı
veriliş aparacaq.
Bu barədə ZİK-in veb səhifəsində məlumat yayımlanıb. Veriliş 7
dekabrdan etibarən hər cümə Kiyev vaxtı ilə saat 18:30-da efirə
gedəcək.
Verilişdə Saakaşvili güman ki, 2019-cu ildə keçiriləcək prezident
seçkilərində namizədlər barədə söhbət açacaq. Ukraynada prezident
seçkiləri 31 mart 2019-cu ilə təyin olunub. Prezident 5 illik
müddətə seçilir.
ZİK televiziyası və “Украинская правда” internet mətbuat
vasitəsinin birgə layihəsi olan veriliş 2017-ci ildən efirə çıxır
və bunadək verilişi Ukraynalı jurnalist Sevgil Musayeva
aparırdı.
Kanalın rəhbərlərindən biri Olqa Movçan bildirib ki, layihəyə
Musayeva ilə davam etməyi planlaşdırırdılar, lakin o, təhsil almaq
üçün ABŞ-a gedib və buna görə də tanınmış şəxs axtarıblar.
“Saakaşvili öz ölkəsini aşağılardan yuxarı qaldıran bir
prezidentdir və Ukrayna siyasətinin kulisləri barədə məlumatı var.
Aydındır ki, o, sadəcə aparıcıdır. Bizim layihəmizdə onun şərhləri
onun vəziyyətlərlə və insanlara qarşı münasibəti və baxışıdır. O,
obyektiv jurnalistika mətnini oxuyacaq insandır”, –
Movçan bildirib.
Gürcüstandan getdikdən sonra Saakaşvili 2015-2016-cı illərdə
tələbəlik dostu, Ukrayna prezidenti Petro Poroşenko ilə aralarında
qarşıdurma yarananadək Odessa qubernatoru kimi çalışıb. Bundan
sonra isə o, müxalif “Yeni qüvvələr hərəkatı” partiyasını yaradıb.
2018-ci ildə o, Ukraynadan çıxarılıb.
ZİK-in məlumatına görə, Saakaşvili hal-hazırda Hollandiyadadır.