Türkiyə prezidenti Rəcəb Tayyib Ərdoğan Salome Zurabişvilini
prezident seçkilərinin ikinci turundakı qələbəsi münasibəti ilə
təbrik edib.
Məktubu Zurabişvilini mətbuat xidməti yayımlayır.
Ərdoğan qalib namizədə göndərdiyi təbrikdə gələcək əməkdaşlıq
perspektivlərindən danışıb.
“Məlumat aldım ki, 2018-ci ilin 28 noyabr tarixində
keçirilən prezident seçkilərinin 2-ci turunda Gürcüstan prezidenti
olmaq üçün səslərin yetərli sayını toplayıbsınız. Sizi xalqın səsi
ilə bu ləyaqətli vəzifəyə seçilməniz münasibəti ilə təbrik
edirəm.
Sizinlə birgə Türkiyə və Gürcüstan arasında olan strateji
əməkdaşlıq, ikitərəfli və çoxtərəfli əlaqələrin bütün sahələrdə
daha da inkişaf etdirilməsi üçün çalışmağa sevinərəm.
Fürsətdən istfadə edərək sizə sağlamlıq və xoşbəxtlik, gürcü
xalqına isə - firavanlıq və inkişaf arzu edirəm” –
yazır Ərdoğan.
2018-ci ilin prezident seçkilərinin ikinci turunda “Gürcü Arzusu”
tərəfindən dəstəklənən namizəd səslərin 59,52%-i toplayıb.