Regional İnkişaf və İnfrastruktur naziri Maia Tskitişvilinin
sözlərinə görə, bərabərləşdirici transfer formulunda edilmiş
dəyişikliklər nəticəsində yerli özünüidarəetmə fondlarının
maliyyələşdirilməsi 100 milyon laridən çox artacaq ki, bu da ötən
illə müqayisədə 13% çoxdur.
Nazirin Parlamentdə davam edən forumda bildirdiyinə görə, bu
formula regionlar üçün daha çox maliyyə vəsaitlərinə çıxış imkanı
verir və uğurlu bələdiyyə sonrakı artıma istiqamətlənmədiyi halda
çatışmazlığı aradan qaldırır.
“Həmçinin bələdiyyələrin gəlirlərinin artırılmasına
dəstək göstəriləcək və yerli özünüidarəyə ərazisində olan mülkiyyət
və ya resursdan gəlir yaratmaq məqsədilə istifadə etməsi həmçinin,
beynəlxalq qrantların alınmasının sadələşdirilməsi,
bələdiyyələrarası əməkdaşlıq və maliyyə resurslarının əlçatan
olması baxımından başqa institusional islahatlar üçün qanuni
mexanizm yaradılacaq”, – Maia Tskitişvili
bildirib.
Regional İnkişaf və İnfrastruktur naziri bu gün Gürcüstan
hökumətinin mərkəzdən asılılığın azaldılması prosesini
dəstəklədiyini və hər kəsin iştirakı ilə inkişafa yönəlmiş doğru
model yaratmağın vaxtı gəldiyini vurğulayıb.
Parlamentdə Gürcüstanın Dövlət və Yerli Hökumətinin İnstitusional
Dialoqunun Ümumi Forumu keçirilir.