Parlament yerli hökumətin gücləndirilməsi və mərkəzdən asılılığının
azaldılması ideyasının fəal dəstəkçisi olacaq.
Bu barədə Gürcüstan Parlamentinin sədri İrakli Kobaxidze
Parlamentdə Gürcüstanın Dövlət və Yerli Hökumətinin İnstitusional
Dialoqunun Ümumi Forumunda çıxışı zamanı deyib.
İrakli Kobaxidze yerli özünüidarələrin rolunun artırılması və bu
prosesdə vətəndaşların maksimal iştirakı barədə söhbət açıb.
“Yerli özünüidarənin ən əsas prinsipi vətəndaşların
iştirakıdır. Əgər vətəndaşları fəal iştirakı təmin olunmayıbsa,
yerli özünüidarə heç nədir. Buradan irəli gələrək, bu iştirak
mexanizmlərinin yaradılmasına böyük rol ayrılmalıdır.
Bu gün Parlament hökumətlə birgə məhz bu yöndə istiqamətlənmiş yeni
institusional mexanizmlərin yaradılması üzərində çalışır. Yerli
hakimiyyətin həyata keçirilməsində vətəndaşın maksimal iştirakına
istiaqmətlənmiş olacaqlar.
Parlament yerli özünüidarənin gücləndirilməsi ideyasının, mərkəzdən
asılılığın azaldılması ideyasının fəal dəstəkçisi
olacaq,” – deyə İrakli Kobaxidze bildirib.