Fiziki imkanları məhdud şəxslər 10 dekabrdan 10 yanvar tarixində
qədər şəxsiyyəti vəsiqəsini pulsuz alacaqlar – bu haqda Gürcüstan
Ədliyyə naziri Tea Tsulukiani nazirliyin brifinqində bildirib.
Fiziki imkanları məhdud şəxs statusunu təsdiqləyən sənədi təqdim
etdiyi halda yetkinlik yaşına çatmış şəxslər pasport və şəxsiyyət
vəsiqəsini tam təmənnasız ala biləcəklər. Yetkinlik yaşına çatmayan
şəxslər isə müvafiq arayış təqdim olunan halda elektron şəxsiyyət
vəsiqəsini pulsuz ala biləcəklər.
Şəxsiyyət vəsiqəsini pulsuz almaq üçün vətəndaşlar Ədliyyə
Evlərinə, Dövlər Xidməti İnkişaf Agentliklərinin ərazi xidmətlərinə
və ya İctimai Mərkəzlərə müraciət etməlidirlər və fiziki məhdud
imkanları təsdiq edən sənəd təqdim etməlidirlər.
Fiziki imkanları məhdud şəxslər fotoşəkilin çəkilməsi xərclərindən
də azaddırlar. Hazır sənədlər vətəndaşa 10 iş günü müddətində
veriləcək.
Ədliyyə Nazirliyinin məlumatına görə, pulsuz şəxsiyyət vəsiqəsinin
verilməsi aksiyası Tea Tsulukianinin təşəbbüsü ilə, 2013-cü ildən
davamlı olaraq elan olunur. 2013-2018-ci illərdə verilmiş 2 600
000-dən çox şəxsiyyət vəsiqəsinin yarıdan çoxu – 1 500 000-ə qədər
sənədi pulsuz və ya güzəştli qiymətə verilib. Bu dəfə isə aksiya
xüsusi olaraq fiziki imkanları məhdud şəxslər üçün elan olunub.