"Qırmızı Körpü" gömrük postunda bəyan olunmamış siqaret aşkar olunub (FOTO)
Gürcüstandan Azərbaycana gedən
Azərbaycan vətəndaşının idarə etdiyi avtomobilindən bəyan olunmamış
siqaret aşkar olunub.
Hadisə "Qırmızı Körpü" gömrük
postunda baş verib.
Bu haqda məlumatı Azərbaycan Dövlət Gömrük Komitəsinin Mətbuat və
İctimaiyyətlə Əlaqələr İdarəsi yayır.
Yayılan məlumatda bildirilir ki, "Gürcüstandan
Azərbaycana gedən Azərbaycan vətəndaşının idarə etdiyi "Ford
Transit" markalı avtomobilə gömrük baxışı keçirilib. Baxışdan öncə,
vətəndaş üzərində və idarə etdiyi nəqliyyat vasitəsində gömrük
nəzarətindən gizlədilmiş hər hansı predmetin olmadığını bildirib.
Daha sonra avtomobilə baxış keçirilib. Baxış zamanı nəqliyyat
vasitəsinin salonunda gizlədilən 2400 ədəd "Gold Mount" markalı
siqaret aşkar olunub".
Faktla bağlı araşdırma aparılır.