Seksual təzyiq cəzalandırılacaq
Seksual təzyiq 300 lari həcmində
cəzalandırılacaq. İl ərzində eyni hərəkətə ikinci dəfə yol
verilərsə, cəza 500 lari olacaq və ya bir ayadək islah işləri
cəzası tətbiq olunacaq.
Bundan əlavə yetkinlik yaşına çatmamış, hamilə, çarəsiz vəziyyətdə
olan, məhdud fiziki imkanlı şəxslərə qarşı və ya yetkinlik yaşına
çatmamış şəxslərin yanında fiziki təzyiq 500 laridən 800 lariyədək
cərimə olunacaq. İl ərzində eyni hərəkətə ikinci dəfə yol
verilərsə, cərimənin miqdarı 800 laridən 1000 lariyədək olacaq və
ya bir ayadək islah işləri cəzası və ya 10 günədək inzibati həbs
cəzası tətbiq olunacaq.
“İnzibati Xətalar Məcəlləsi”nə bu istiqamətdə dəyişikliklər artıq
hazırdır. Buna əsasən cinsi xarakterli ifadələrin işlədilməsi və ya
müraciət, hər cür sataşma, digər fiziki və seksual hərəkətlər
seksual xarakterli hərəkətlərə aid ediləcək.
Bundan başqa seksual təzyiq anlayışı “Əmək Məcəlləsi”ndə də
formalaşır ki, buna əsasən də şəxsin ləyaqətinə toxunan və ya onun
üçün alçaldıcı olan, düşmənçilik və ya təhqiredici şərait yaradan
seksual xarakterli istənməyən hərəkət seksual təzyiq hesab
olunacaq.
Dəyişiklikər paketinə əsasən seksual təzyiq əmək münasibətlərində
tənzimlənəcək.
Qanunvericilik paketi Parlamentin Gender Bərabərliyi Şurası
çərçivəsində hazırlanıb və bunun təşəbbüskarları Parlamentin
üzvləri Tamar Çuqoşvili, Tamar Xulordava, Dmitri Tskitişvili, Rati
İonatamişvili, Ququli Mağradze, Endzela Maçavariani və Qiorqi
Tuğuşidir.