Məhkəmə Kvemo Kartlinin keçmiş qubernatoru Davit Kirkitadzeni həbsdə saxladı
Bu gün, 12
fevral tarixində Qurcaani Rayon Məhkəməsi Davit Kirkitadze
barəsində verilmiş ilkin həbs-qətimkan
tədbirinə
yenidən baxıb və onu ilkin həbsdə saxlamağa
qərar verib.
Vahid Milli Hərəkatın siyasi şurasının üzvü və liderlərindən biri
olan Davit Kirkitadze 17 dekabr tarixində Kaxetidə saxlanılmışdı.
Təqsiri sübuta yetirilərsə, onu 4 ildən 7 ilədək həbs qərarı
gözləyir.
Davit Kirkitadze vəzifə səlahiyyətlərindən sui-istifadə etmə işi
ilə bağlı 14 yanvar tarixində bəraət almışdı, lakin ona qarşı
Cinayət Məcəlləsinin başqa bir maddəsi ilə də istintaq davam edir.
Kirkitadzeyə qarşı 19 dekabr tarixində Kaxeti Polis Departamentində
ittiham irəli sürülüb. İstintaq onu Cinayət Məcəlləsinin 353-cü
maddəsi ilə nəzərdə tutulmuş cinayəti törətməkdə – 16 dekabr
tarixində Velistsixedə keçirilmiş aksiyada polisə hücum, fiziki
zorakılıq və əmlaka zərər vurmaqda ittiham edir. Məhz bu məsələ ilə
bağlı Kirkitadze barəsində həbs qətimkan tədbiri seçilib.