Gürcüstan parlamentinin Avropaya İnteqrasiya Komitəsinin sədri
Tamar Xulordava bu gün, 13 aprel tarixində Marneuli Mülki Məşğulluq
Mərkəzində görüş keçirdi.
Görüşdə Marneuli meriyasının nümayəndələri və başqa maraqlanan
şəxslər iştirak edirdilər. NDİ-ın parlament proqramının meneceri
Teona Qupunia görüşün əsas məqsədlərindən danışır.
"Bu çox vacib prosesdir. Əhaliyə bu gün Gürcüstanın Avropaya
inteqrasiya prosesində qarşılaşdığı işlər, problemlər, maneələr və
uğurlar haqda məlumat verilir" - dyə bildirdi Teona
Qupunia.
Görüş Avropa gününə həsr olunmuş məlumat kampaniyası çərçivəsində
keçirilib. Gürcüstan parlamentinin Avropaya İnteqrasiya Komitəsinin
sədri və görüş iştirakçıları avro inteqradiyanın iqtisadi və siyasi
səmərəsi, Avropa İttifaqı ilə daha dərin əməkdaşlığın perspektivi
və ölkənin təhlükəsizliyi ilə bağlı məsələləri müzakirə etdilər.
Parlamentari Tamar Xulordavanın sözlərinə görə o, bu gün Marneuili
əhalisi ilə ilk dəfə görüşüb.
"Biz bugünkü görüşdə çox məsələlərə toxunduq. Çox
sevindim ki, iştirakçılar tərəfindən təhsil, ətraf mühit,
istiqamətində maraq var idi. Bu həqiqətən də göstərir ki, əhalidə
birbaşa ünsiyyətə qoşulmağa dair daha çox istək var. Biz öz
tərəfimizdən bu tələbi qane etməliyik", - deyə
bildirdi Tamar Xulordava.
Görüşdə eləcə də Marneulinin majoritar deputatı Ruslan Hacıyev də
iştirak edirdi. Ancaq görüşün başlanğıcında Tamar Xulordava qeyd
etdi ki, Tamar Naveriani üzrlü səbəbə görə onlarla görüşdə iştirak
edə bilməyib.