Bu gün, 17 aprel tarixində Marneuli meriyasında NATO günləri
çərçivəsində Gürcüstanın baş Nazir müavini Mixeil Canelidze görüş
keçirdi.
Görüşdə o, Gürcüstan və NATO qarşılıqlı əməkdaşlığının nə dərəcədə
vacib olduğu haqda danışdı. O, hesab edir ki, bugünkü görüş bir
daha Gürcüstanın NATO və Avropa Birliyinə üzv olmasını dəstəkləyən
cəmiyyətin məlumatlandırılması üçün atılan addım idi.
"Biz dünən Gürcüstanda rəsmi olaraq NATO -nun 2018-ci
il günlərinin açılışını qeyd etdik. Artıq 11 ildir ki, davamlı
şəkildə NATO günləri Gürcüstanda keçirilir. Məqsəd isə əhalinin
daha da məlumatlandırılmasıdır. Müzakirə rejimi çox vacib idi.
Bizimlə birgə NATO-nun əlaqələr ofisi də iştirak edir. NATO-nun
perspektivlərindən söhbət açdıq. Bizim hansı prosesdə olduğumuz,
özünü müdafiə bacarığından və qərb inteqrasiyası ilə siyasi
iqtisadi vəziyyətimizi izah etdik" - deyə bildirdi
Mixeil Canelidze.
Bugünkü görüşdə yerli özünüidarəetmə nümayəndələri və eləcə də
Kvemo Kartlinin qubernatoru, başqa maraqlanan şəxslər iştirak
edirdilər. Görüş sual cavab rejimində keçdi. Gürcüstan üçün viza
liberalizasiyanın dayandırılması təhlükəsi varmi sualına Canelidze
cavab verib ki, Gürcüstan bunu saxlamaq üçün mübarizə aparır və bir
daha diqqətə yetirib ki, hər bir Gürcüstan vətəndaşı üşün viza
liberalizasiya rejimi nə dərəcədə önəmlidir.
NATO günləri 11-ci dəfərdir ki, qeyd olunur və 16 apreldən 1 maya
qədər davam edəcək. Tədbir Gürcüstanda "NATO və AB haqqında məlumat
mərkəzinin", təşkilatçılığı və Gürücüstan Xarici İşlər
Nazirliyinin, Gürücüstanda NATO əlaqələr ofisinin və Gürcüstanda
Bolqarıstan səfirliyinin (NATO-nun əlaqələndiriici səfirliyi)
dəstəyi ilə keçirilir.