Algeti kənd əhalisi meriya binasının ikinci mərtəbəsinə toplaşıb və
merlə görüşü gözləyirlər. Temur Abazov hələ də müəyyən olmayan
səbəbdən əhali ilə görüşə gəlmir
.
Meriyanın mühafizə xidməti patrul polisi çağırıb.
Bu gün saat 11:30-da Marneuli bələdiyyəsinin Algeti kənd əhalisi,
təqribən 40 nəfərə yaxın sakin meriya binasının qarşısına toplaşıb
və içməli su probleminin həllini tələb edirlər.
“Avropalı Gürcüstan” partiyasının nümayəndəsi və bələdiyyə
məclisinin üzvü Əhməd İmamquliyev də kənd əhalisi ilə birgə meriya
qarşısındadır.
Əhali merlə görüş və onun meriya qarşısında kənd əhalisinin yanına
gəlməsini tələb edib. Temur Abazov isə gəlməyib və müavinləri Zaur
Tabatadze və Laşa Lobjanidzeni göndərib.
Onlarla danışıq nəticəsində qərar verilib ki, merlə kənd
sakinlərindən 10 nəfər onun iş otağında görüşəcək. “Marneuli”
Radiosunun jurnalistinin yerindən verdiyi məlumata görə merlə görüş
vaxtı məlum deyil.
Hadisələrin necə davam edəcəyini “Marneuli” Radiosunun 15:00-a olan
“Xəbərlər” buraxılışından 96.9 FM dalğasından dinləyəcəksiniz.