Abazov youtube portalına Rusiyada fəaliyyət göstərən müğənninin konsertində iştirakı ilə bağlı video yerləşdirib
15:42 / 08.06.2018
Marneuli meri 1 iyun tarixində Azərbaycan Prezidentinin qızı Leyla
Əliyevanın keçmiş həyat yoldaşı, rusiyada fəaliyyət göstərən
müğənni Emin Ağalarovun konsertində iştirak etməsi ilə bağlı öz
youtube səhifəsində video yerləşdirib.
Konsert Tbilisi Filarmoniyasının böyük konsert zalında
keçirilib.
Video müğənninin müsiqisi ilə müşaiyət olunur. Kadrlarda Marneuli
meri Temur Abazov, Bələdiyyə Məclisinin sədri Amiran Qiorqadze,
Parlament deputatları Ruslan Hacıyev, Mahir Dərziyev və Savalan
Mirzəyevin konsertdə olduqları görünür.
Xatırladırıq ki, dövlət rəsmilərinin Rusiyada fəaliyyət göstərən
müğənninin konsertində olduqları zaman Rustaveli prospekti və
filarmoniya yaxınlığında etiraz aksiyaları keçirilirdi.
Etiraz aksiyaları Xorava küçəsində iki yeniyetmənin qətlə
yetirilməsi ilə bağlı istintaqın yenidən aparılması və
prokuraturanın yüksək vəzifəli məmurlarının məsuliyyətə cəlb
olunması tələbi ilə keçirilirdi.