Bu gün, 8 iyun tarixində Marneuli Mülki Məşğulluq Mərkəzində
brokoli dəyər zəncirinin araşdırmasının təqdimatı olub.
Araşdırmanın əsas məqsədi Kvemo Kartlidə brokolinin dəyər
zəncirinin analizi və bu məhsulun Avropa İttifaqı bazarına ixrac
potensialının tədqiqatıdır.
Bu məqsədə nail olmaq üçün tədqiqat çərçivəsində başqa işlərlə
birgə fərdi müsahibələr və fokus qruplar keçirilib. Mövcud olan
vəziyyətin öyrənilməsi isə müxtəlif problemləri aşkar edib.
Məsələn, istehsalın aşağı keyfiyyəti, təcrübə çatışmamazlığı,
texnikanın azlığı, mühafizəsiz ərzağın istehsalına dair nümunəvi
təcrübənin olmaması, istifadəçidə brokolinin faydalı cəhətləri
haqqında məlumatın olmaması və s.
Layihənin meneceri Nana Peradzenin bizimlə söhbət zamanı
bildirdiyinə görə yerli fermerlərin istehsalçıların Avropa İttifaqı
ilə azad ticarət haqqında, bir neçə ilə qüvvəyə minəcək standartlar
və fermerlərin öz işlərində müəyyən etməli olacağı dəyişikliklər
haqqında məlumat alması vacibdir.
“Avropa ilə azad ticarət üçün mülki ictimaiyyət
təşkilatları layihəsi Gürcüstanın 7 bölgəsində həyata keçirilir.
Təqdimat brokoli haqqındadır. Kvemo Kartlidə bu məhsul seçilib.
Bundan başqa yerli fermrlərin və istehsalçıların Avropa İttifaqı
ilə azad ticarət haqqında daha çox məlumat alması üçün layihəni
bizim “People in Need” need təşkilatı həyata keçirir”
– deyə bildirdi Nana Peradze.
Dəyər zənciri üzrə ekspert Salome Qlaşvili deyir ki, dəyər
zəncirinin məqsədi bir neçə aspekti əhatə edir.
“Dəyərlər zəncirinin məqsədi zəncirin əsas
iştirakçılarının kimlər olduğu, istehsal prosesinin necə
aparıldığının müəyyən olunmasıdır. Konkret olaraq bu halda biz
brokolinin dəyərlər zəncirini araşdırırdıq. Bu onu bidirir ki, biz
bu məhsulun istehsalında, yəni əkilməsində, becərilməsində,
yığılmasında, satılmasında, istehlakında kimlərin iştirak etdiyini
məyyənləşdirirdik. Konkret bu məhsulun bu bölgədə istehsalının,
sonra isə Avropa İttifaqına ixracının potensialını
araşdırırdıq” – deyə bildirdi Salome Qlaşvili.
Təqdimatda yerli fermerlər, mülki ictimai təşkilatlar, eləcə də
kənd təsərrüfatı layihələrinin idarəsi agentliyinin nümayəndələri
iştirak edirdilər. QHT "Demokrat Qadınlar Cəmiyyəti"nin sədri Olqa
Endeladze deyir ki, bu növ təqdimatla tanış olmaq vacibdir ki,
istehsalçılar daha çox məlumatlansınlar.
Qeyd olunan tədqiqat Avropa İttifaqının "Mülki ictimai təşkilatlar
Avropa ilə azad ticarətə dəstək" layihəsi çərçivəsində, "PMC
tədqiqat mərkəzi" tərəfindən yerli mülki ictimai təşkilatlarla
birgə, "People in need"-lə əməkdaşlıqla həyata keçirilib.