Marneuli 2 saylı ictimai məktəbinin 9-cu sinif şagirdlərinin
valideynləri meriya qarşısında etiraz aksiyası keçirdilər. Onları
ümumi bir məsələ, məktəbin imtahanları ilə bağlı çatışmazlıqlar
narahat edirdi.
9-cu sinif şagirdləri 28 iyun tarixində 9 fənn üzrə imtahan vermiş
və əksəriyyəti imtahandan keçə bilməmişdi. Bu faktisə valideynlərin
reaksiya verməsinə səbəb olmuşdu. Bu gün onlar Marneulinin
majoritar deputatı Ruslan Hacıyevlə görüşdülər. Ruslan Hacıyev isə
vəziyyəti aydınlaşdıracağını vəd etdi. Valideynlər Meriya binası
ərazisindən iki saylı məktəbə getdilər və məktəbin müdiriyyəti ilə
görüşdülər.
Şorena Xuxua bizimlə söhbətində bildirdi ki, o, qəyyumlar şurasına
təklif irəli sürüb. Bu təklifə əsasən 6-cı sinifdə imtahanlar ləğv
olunur və 7-ci sinfə keçir.
“6-cı sinifdəki uşaqların 90%-i 5 yaşında gələn uşaqlardır. Mən
dedim ki, 6-cı sinifdə imtahanları ləğv edək, 7-ci sinifdə olsun
imtahan. Lakin dərslərə davamiyyəti yaxşı olmadığına görə sinifdə
qalan 21 nəfərə gəldikdə, onlar indi həyəcanlı olduqları vaxtda
deyil, 5 sentyabradək imtahan verəcəklər” – deyə
Şorena Xuxua bildirdi.
İki saylı məktəbin direktorunun sözlərinə görə, imtahanlardan
kəsilən 42 nəfərdən 21-i onsuz da sinifdən sinfə keçmək üçün lazım
olan davamiyyət balını toplaya bilməmişdi, buna görə də onlar üçün
payız imtahanının keçirilməsi vacibdir.
Şorena Xuxua onu da qeyd etdi ki, 6-cı sinif üçün imtahanların ləğv
edilməsi 9-cu sinif üçün imtahanların ləğv edilməsinə də səbəb
olub. Buna görə də onlar yenidən imtahan verməli olacaqlar. Ancaq
bu dəfə 9 deyil, qanunda nəzərdə tutulduğu qaydada 2 fənn üzrə
imtahan olacaq. İmtahanlar arasında isə bir günlük fasilə
olacaq.