Marneuli rayonun ən böyük kəndlərindən biri olan Sadaxlı kəndində
30 iyul tarixində el şənliyi keçirildi.
“Sadaxlı El Bayramı” (Sadxaloba) adı altında keçirilən tədbirin
məqsədi Sadaxlı xalqının əsrlər ərzində yaşadıqları həyat tərzini
bir gün canlandırıb yeni nəsilə ötürməkdir.
Sadaxlıların keçirdiyi “Sadaxlı El Bayramı” aşıqlar, rəqs qrupları,
xanəndələr iştirak edirdilər, eləcədə şənliyə Marneuli
Bələdiyyəsinin rəhbər şəxslər, Qeyri Hökümət təşkilatının
nümayəndələri, dəvət olunmuş qonaqlar, Sadaxlı və onun ətrafında
yerləşən kəndlərdən gələn sakinlər və digər rəsmi şəxslər iştirak
edirdilər.
Bayram şənliyinin təşkil olunmasını Azərbaycanda fəaliyyət göstərən
"Sadaxlı El Məclisi" həyata keçirir. "Sadaxlı El Məclisi"nin
üzüvlərindən olan İlyas Adıgözəli şənliyin əhəmiyyətindən söz açdı
və bu günün təşkilatçılığında əməyi keçənlərə təşəkkürünü
bildirir.
Tədbirdə iştirak edən kənd sakinlər də öz təəssüratlarını bizimlə
bölüşdülər. Bildirdilər ki, bu cür bayram şənliklərinin keçirilməsi
həm azərbaycanlı həmdə gürcü xalqlarının dostluq rəmzidir.
El şənliyində yeni fəaliyyətə başlayan "Yeni Düşüncə İnustutunun"
üzvləri də öz komandası ilə iştirak edirdilər. Təşkilatın sədri
Ariz Daşdəmirli "Marneuli" Radiosuna bildirdi ki, Sadaxlı eli
Gürcüstan giriş qapılarından biridir və bunun üçün bu giriş
qapısında sağlam durmaq lazımdır.
Bu il sayca 3-cü dəfə keçirilən “Sadaxlı El Bayramı”nin adı Sadaxlı
elinin bayramı mənasını daşıyır.