Tamarisi kəndinin daxili yollarının bərpası üçün Marneuli
meriyası tərəfindən tender elan olunub.
Tenderə görə Tamarisidə 7 daxili yolda 2 344 metr uzunluğunda
asfalt örtüyü çəkiləcək. 487 994 lari dəyərindəki tenderdə
təkliflər 16 avqustdan 21 avqustadək qəbul ediləcək.
Tamarisi sakinləri radiomuzla söhbətləri zamanı bildirdilər ki, yol
problemi olsa da, onları narahat edən ən önəmli məsələ kanalizasiya
problemidir. Bir çox halda sakinlər kanalizasiya suyu üçün
həyətlərind quyu qayırılar. Bir neçə ayda bir dəfə isə bu quyuları
xüsusi maşınlarla təmizlətdirirlər. Sakinlərdən bəziləri isə
kanalizasiya borusunu suvarma arxına birləşdirib.
“Kanalizasiya problemi həqiqətən var, ümumiyyətlə
kənddə kanalizasiya yoxdur. Elementar olaraq, hamam var, ifadəmə
görə üzr istəyirəm, tualet var, mətbəx və s. quyular qazmışıq və
hər iki aydan bir maşın çağırıb təmizlətdiririk. Kəndin ən əsas
problemi budur”, - Nana Moxevişvili deyir.
“Kanalizasiyanın olmaması problemdir, bəs necə,
əvvəldən də bu kənddə kanalizasiya olmayıb”, - Koba
Tsiklauri bildirdi.
Meriya tərəfindən yazılmış məktubdan aydın olur ki, bu il
Tamarisidə kanalizasiya sisteminin yaradılması
planlaşdırılmayıb.
“Marneuli” radiosu