İçməli su, yollar, parkın
qurulması, sahil bərkitmə işləri, mədəni obyektlərin bərpası, mini
idman stadionlarının yaradılması və küçə işıqlandırılması - bu
Marneuli meriyasının 2019-cu il üçün nəzərdə tutduğu prioritetlərin
siyahısıdır.
İcraçı orqan (meriya) gələn ilin
büdcəsində həyata keçiriləcək layihələrin müəyyənləşdirilməsini
bununla başa çatdırdı, 15 noyabra qədər isə müzakirə üçün bələdiyyə
məclisinə göndərməlidir.
Bizimlə söhbət zamanı maliyyə-büdcə xidmətinin rəhbəri Vüqar
Məmmədov bildirdi ki, gələn ilin büdcəsində məbləğ 4 milyondan çox
artırılıb. Büdcəyə mütləq ictimai müzakirələr lazımdır - bunu özü
də qeyd edir və deyir ki, əhali ilə görüşlər artıq keçirilib və bu
gün də davam edir. Deyir ki, rəsmi büdcə sənədini
ictimailəşdirəcəklər və qeydlər olan halda qəbul etməyə
hazırdırlar.
"Büdcə Bələdiyyə Məclisi tərəfindən
ictimailəşdiriləcək. Tərəfimizdən müzakirəsi də aparılacaq və hər
bir vətəndaşın qeydi və ya hər hansı bir layihə əlavə etmək istəyi
olarsa, həmçinin, xərclərin artırılması-azaldılmasını istəyərlərsə,
müraciət etmək hüququ olacaq" - dedi Vüqar
Məmmədov.