Parlamentin
Marneulidən seçilmiş üzvləri Ruslan Hacıyev və Tamaz Naverianinin
Şeyx Mirtağı Əsədovun saxlanılması barədə məlumatları
yoxdur.
Baxmayaraq ki, Şeyx 7 noyabr tarixində saxlanılıb, Marneulili
deputatların Əsədovun Azərbaycan həbsxanasında olduğu 12 gün
ərzində heç bir məlumatları yoxdur.
Ruslan Hacıyev “Marneuli” radiosu ilə söhbəti zamanı bildirdi ki,
bu barədə yalnız mətbuat vasitələrindən müəyyən məlumatlar alıb və
hələ Azərbaycan tərəfindən rəsmi bəyanat gözləyir.
“Fikrimcə Azərbaycan tərəfindən rəsmi açıqlama
olmalıdır, düşünürəm ki, olmalıdır”, - Ruslan Hacıyev
deyib.
Azərbaycanın 17 noyabr tarixində rəsmi versiyanı yayımlamalarına
baxmayaraq, deputat yenə də səfirlikdən cavab gözləyir.
Hacıyev kimi Tamaz Naveriani də Şeyx Mirtağı Əsədovun nə üçün
saxlanıldığı bilmədiyini, lakin saxlanıldığı barədə məlumatı
olduğunu deyir.
“Mən vəziyyəti dəqiq aydınlaşdıracağam. Necə
saxlanılıb, nə üçün saxlanılıb və sonra bu barədə şərh
verəcəm,” – Tamaz Naveriani deyir.
Marneulili deputatlar Şeyxin saxlanılması ilə bağlı məlumatı
gözləyərkən qeyri-hökumət təşkilatları, xalq müdafiəçisi və dini
təşkilatlar Əsədovun ailəsi ilə görüşüblər.
Görüş ötən gün, 18 noyabr tarixində keçirilib, İnsan Hüquqları
Araşdırma və Monitorinq Mərkəzinin bərabərllik siyasəti proqramının
direktoru Tamta Mikeladze “Marneuli” radiosu ilə söhbəti zamanı
Mirtağı Əsədovun səhhətinin yaxşı olmadığını deyib və bildirib ki,
“Gürcüstan hakimiyyəti Mirtağı Əsədovun cəzaçəkmə müəssisəsində
qeyri-insani rəftardan və ləyaqətinin alçaldılmasından qorumaq üçün
bütün imkanlardan istifadə etməlidir”.
Xatırladırıq ki, İHHŞ “Ümum Gürcüstan Müsəlmanları Ali Dini
İdarəsi”nin sədri Şeyx Mirtağı Əsədov 7 noyabr tarixində Azərbaycan
respublikasının sərhəd-keçid məntəqəsində saxlanılıb və Azərbaycan
respublikasında 30 gün azadlıqdan məhrumetmə cəzası verilib.
Məhkəmə protokoluna əsasən Əsədov 8 noyabr tarixində Bakı
küçələrindən birində telefonla ucadan danışarkən ictimai asayiş
qaydalarını pozub. Daha sonra isə mülki geyimdə olan polislərin
göstərişlərinə tabe olmayıb, buna görə də polis idarəsinə aparılıb.
Şeyx özü isə deyir ki, psixoloji təzyiq nəticəsində etiraf ifadəsi
vermək məcburiyyətində qalıb.